କୁଖ୍ୟାତ ବାଇକ ଲୁଟେରାଙ୍କୁ ବାନ୍ଧିଲା ବାଦାମବାଡି ପୋଲିସ ।

କଟକ : କଟକ ବାଦାମବାଡି ପୋଲିସ ପଞ୍ଜାରେ କୁଖ୍ୟାତ ବାଇକ ଲୁଟେରା । ବଜ୍ରକବାଟି ନିକଟ ଗାର୍ମେଣ୍ଟ ଶୋ ‘ ରୁମ ନିକଟରୁ ଏକ ବାଇକ ଚୋରି ନେଇ ନବଦୀପ ସିଂ ନାମକ ବ୍ୟକ୍ତି ଗତ ୨୧ ତାରିଖରେ ବାଦାମବାଡି ଥାନାରେ ଅଭିଯୋଗ କରିଥିଲେ ।

ଏହି ଘଟଣାର ପୋଲିସ ତଦନ୍ତ କରି ଅଭିଯୁକ୍ତ ଜଗତସିଂହପୁର ର ମୁନା ଓରଫ ଵିଶ୍ୱଜିତ ସ୍ୱାଇଁ କୁ ଗିରଫ କରିଛି । ତେବେ ତା ନିକଟରୁ ଚୋରି ହୋଇଥିବା ଗାଡି ସମେତ ଆଉ ୫ଟି ବାଇକ ଜବତ କରିଛି । ପୋଲିସ ର ସୂଚନା ଅନୁଯାୟୀ ବିଶ୍ୱଜିତ ବିଭିନ୍ନ ସ୍ଥାନରେ ପାର୍କିଂ ହୋଇଥିବା ଗାଡି ଗୁଡିକୁ ଟାର୍ଗେଟ କରି ଚୋରି କରୁଥିଲା । ଏହାପରେ ଚୋରି ଗାଡି ଗୁଡିକୁ ୨୦ ରୁ ୨୫ ହଜାର ଟଙ୍କାରେ ବିକ୍ରି କରୁଥିଲା ।

Advertisement

ତେବେ ସାଧାରଣତ ଗାଡି କିଣାବିକା ବାବଦ ତଥ୍ୟ ଜାଣୁନଥିବା ବ୍ୟକ୍ତିଙ୍କୁ ସେ ଗାଡି ବିକ୍ରି କରୁଥିଲା । ତେବେ ଗାଡି କିଣିଥିବା ଲୋକେ ମଧ୍ୟ ତଦନ୍ତ ପରିସରଭୁକ୍ତ ହେବେ ବୋଲି ଏସିପି କହିଛନ୍ତି । ଅଭିଯୁକ୍ତ କୁ କୋର୍ଟ ଚାଲାଣ ସହ ତା ବିରୁଦ୍ଧରେ ଅଭ୍ୟାସଗତ ଅପରାଧୀ ମାମଲା ଦାୟର କରାଯିବ ବୋଲି କହିଛନ୍ତି ।