ଵାହାନଗା ଦୁର୍ଘଟଣା ଗ୍ରସ୍ତ ରେଳଡ଼ବା କାଟିବାପାଇଁ ଆସିଥିବା ଶ୍ରମିକ ନିଖୋଜ ; ଫଟୋ ଧରି ଖୋଜୁଛି ବଡ଼ଭାଇ ……
1 min read
ବାଲେଶ୍ୱର ; ଗତ ଜୁନ ୨ ତାରିଖ ବାହାନଗା ରେଳ ଦୁର୍ଘଟଣା ଭଙ୍ଗା ରେଳ ବଗି କାଟିବାକୁ ଗତ ୨୮ତାରିଖ ଅକ୍ଟୋବର ମାସରେ ବିହାର ମୁଙ୍ଗେର ଜିଲ୍ଲା ଚିରିଙ୍ଗାବାଦରୁ ଆସିଥିଲେ ସାଙ୍ଗ ହୋଇ ଦୁଇ ଭାଇ । ହେଲେ ସାନଭାଇ ବିଟୋ ଗୁପ୍ତା ନିଖୋଜ ନେଇ ଵଡ଼ଭାଇ ଅଜୟ ଗୁପ୍ତା ଅଭିଯୋଗ କରିଛନ୍ତି ।
ଵିହାର ମୁଙ୍ଗେର ଜିଲ୍ଲା ରତନପୁର ଗାଁର ସଦନନ୍ଦ ଗୁପ୍ତାଙ୍କ ବଡ଼ ପୁଅ ଅଜୟ ଗୁପ୍ତା,ସାନପୁଅ ବିଟୋ ଗୁପ୍ତା ଦୁଇ ଭାଇ ଗତ ଅକ୍ଟୋବର ଦୁର୍ଘଟଣା ଗ୍ରସ୍ତ ରେଳ ଡବା କାଟିବାକୁ ବାହାନଗା ଆସିଥିଲେ । ଦୁଇ ଭାଇ କାମ କରୁଥିବା ଵେଳେ ହଠାତ ଗତ ନଭେମ୍ବର ମାସ ୮ ତାରିଖରୁ ବିଟୋକୁ ଆଉ ପାଇ ନଥିଲେ ବଡ ଭାଈ। ବିଟୋକୁ ପାଇବା ପାଇଁ ଵଡ଼ଭାଇ ଅଜୟ ଓ ଵାହାନଗା ଅଞ୍ଚଳର କ୍ଷୀରୋଦ କୁମାର ମଲ୍ଲିକଙ୍କ ସହାୟତାରେ ଯାଜପୁର,ଭଦ୍ରକ,ରାଣୀତାଲ,ମାର୍କୋଣା ,ସୋର ଷ୍ଟେସନ ସହିତ ଵିଭିନ ସ୍ଥାନ ଖୋଜାଖୋଜି କରୁଥିଲେ ମଧ୍ୟ ଆଜି ପର୍ଯ୍ୟନ୍ତ ତାଙ୍କର ସନ୍ଧାନ ମିଳିପାରି ନାହିଁ ।
ଵଡ଼ଭାଇ ଅଜୟ ଏଵିଷୟରେ କମ୍ପାନୀ ଓ ରେଳ ବିଭାଗକୁ ଜଣାଇଥିବାର ପ୍ରକାଶ କରିଛନ୍ତି । ହେଲେ ଆଜି ପର୍ଯ୍ୟନ୍ତ କୌଣସି ସନ୍ଧାନ ପାଇ ପାରି ମିଳିପାରି ନାହିଁ । ଅଜୟ ଘରକୁ ଜଣାଇଥିଲେ ମଧ୍ୟ ସେ ଘରକୁ ଯାଇ ନଥିବାର ପରିବାର ଲୋକ ପ୍ରକାଶ କରିଛନ୍ତି । ପରିବାର ଲୋକେ ଅଜୟକୁ ସାଙ୍ଗ ହୋଇ ଦୁଇ ଭାଇ ଆସିବାକୁ କହିଛନ୍ତି । ବଡ଼ ଭାଇ ଅଜୟ ଦୁଃଖରେ ଭାଙ୍ଗି ପଡିଛନ୍ତି । ଭଙ୍ଗାରୁଜା ରେଳଵଗି କାଟିବାକୁ ଆସି ଶ୍ରମିକ ନିଖୋଜ ଘଟଣା ସ୍ଥାନୀୟ ଅଞ୍ଚଳରେ ଆଶଙ୍କା ଦେଖାଦେଇଛି । ଏହି ସମୟରେ ବାହାନଗା ଅଞ୍ଚଳର ଯୁବକ କ୍ଷୀରୋଦ ମଲ୍ଲିକ ବିଟୋକୁ ଖୋଜି ଆଣିବାପାଇଁ ରେଳବିଭାଗ ସହିତ କମ୍ପାନୀ ନିକଟରେ ଦାବି କରିଛନ୍ତି ।
