ଶଳାକୁ ଛୁରୀ ମାରିଲେ ବରଯାତ୍ରୀ ; ଭାଙ୍ଗିଲା ବାହାଘର ,ଶିଶୁପାଳ ହୋଇ ଫେରିଲା ବର ……
1 min read
ବଲାଙ୍ଗିର : ବଲାଙ୍ଗିର ଜିଲ୍ଲା ତୁରେକେଲା ଥାନା ଅନ୍ତର୍ଗତ ମୁରିବାହାଲ ଗାଁରେ ଏକ ଅଭାବନୀୟ ଘଟଣା ଘଟିଛି । ବରଯାତ୍ରୀ ର ଛୁରା ମାଡ଼ରେ କନ୍ୟା ର ଭାଇ ଗୁରୁତର ଭାବେ ଆହତ ହୋଇଛନ୍ତି। ଏହି ଘଟଣା ରେ ଦୁଇଜଣ ଆକ୍ରମଣକାରୀ କୁ ପୁଲିସ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ଛତିଶଗଡ କୁକୁରବେଡା ଅଞ୍ଚଳର ଯୋଗିନ ଛୁରା ଓ ଅବିନାସ ଛୁରା ।
ସୂଚନା ଅନୁସାରେ ଛତିଶଗଡ ରାଜ୍ୟ କୁକୁରବେଡା ଥାନା ସରସ୍ୱତୀ ନଗର ରୁ ମୁରିବାହାଲ ଗାଁକୁ ବରଯାତ୍ରୀ ଆସିଥିଲେ । ବରପକ୍ଷ ର ପରିଜନ ନାଚୁଥିବାବେଳେ କନ୍ୟାପକ୍ଷ ର ଜଣେ ଯୁବକ ସେ ଭିତରକୁ ପଶି ନାଚି ଦେଇଥିଲେ । ଏହାକୁ ନେଇ ଆରମ୍ଭ ହୋଇଥିଲା ତୁ ତୁ ମେ ମେ । ବରଯାତ୍ରୀ କାହିକିଁ ଆମ ବାଜାରେ ନାଚିଲ ବୋଲି ଗଣ୍ଡଗୋଳ କରିଥିଲେ । ଏହି ସମୟରେ କନ୍ୟା ର ବଡ଼ଭାଇ। ଚିନ୍ତା ତାଣ୍ଡି ଗଣ୍ଡଗୋଳ ନ କରିବାକୁ ବୁଝାଉ ଥିବାବେଳେ ଯୋଗିନ ଓ ଅବିନାଶ ଛୁରା ମାଡ କରି ଲହୁ ଲୁହାଣ କରିଥିଲେ । ଚିନ୍ତାର ଦୁଇଟି ପୁଅ ମଧ୍ୟ ଆକ୍ରମଣକାରୀ ଙ୍କ ଆକ୍ରମଣର ଶିକାର ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ତୁରେକେଲା ଡାକ୍ତରଖାନାରେ ପ୍ରାଥମିକ ଚିକିଟ୍ସିତ କରାଯାଇଥିବା ବେଳେ ଡାକ୍ତର ଅନ୍ୟତ୍ର ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ ।
ତେବେ ଗୁରୁତର ଚିନ୍ତାଙ୍କୁ ବଲାଙ୍ଗିର ଭୀମ ଭୋଇ ମେଡିକାଲ କଲେଜ୍ କୁ ନିଆଯାଇଥିଲା। ସେଠାରେ ମଧ୍ୟ ଡାକ୍ତର ଅନ୍ୟତ୍ର ସ୍ଥାନାନ୍ତର କରିବାକୁ କହିଥିଲେ । ତେବେ ପରିବାର ଲୋକ ରାୟପୁର ଏକ ଘରୋଇ ଡାକ୍ତରଖାନାକୁ ନେଇଥିବା ସୂଚନା ରହିଛି । ଆକ୍ରମଣ କରିଥିବା ଦୁଇ ଜଣ ପୂର୍ବରୁ ଛୁରୀ ଧରି ବରଯାତ୍ରୀ ଆସିଥିବା ବେଳେ ସେମାନେ ଅଭ୍ୟାସଗତ ଅପରାଧୀ ବୋଲି କୁହାଯାଇଛି । ପୁଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।
