କଫ୍ ସିରଫ୍ ସହିତ ୪ ଜଣଙ୍କୁ ଗିରଫ୍ କଲା ବଲାଙ୍ଗିର ପୋଲିସ..
1 min read
୧୮୫୦ ବୋତଲ୍ ଏସ୍କଫ୍ ସିରଫ୍ ଜବତ୍ କରି ୪ ଜଣ ଅଭିଯୁକ୍ତଙ୍କୁ ଗିରଫ୍ କରିଛି ବଲାଙ୍ଗିର ପୋଲିସ । ଏ ସଂକ୍ରାନ୍ତରେଏକ ସାମ୍ବାଦିକ ସମ୍ବିଳନୀ କରି ସୂଚନା ଦେଇଛନ୍ତି ବଲାଙ୍ଗିର ସଦର ଏସ୍ଡ଼ିପିଓ ପ୍ରଦୀପ କୁମାର ସାହୁ । ଦିଆଯାଇଥିବା ସୂଚନା ଅନୁସାରେ ବିପୁଳ ପରିମାଣର କଫ୍ ସିରଫ୍ ବଲାଙ୍ଗିର ସହର ଭିତରକୁ ଆସୁଥିବା କୌଣସି ବିଶ୍ୱସ୍ତ ସୂତ୍ରରୁ ପୋଲିସ ଖବର ପାଇଥିଲା । ଏହାପରେ ବଲାଙ୍ଗିର ଏସ୍ପି ରିଷିକେଶ ଖିଲାରୀଙ୍କ ନିର୍ଦ୍ଦେଶ କ୍ରମେ ତୁରନ୍ତ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ବଲାଙ୍ଗିର ସୁଦପଡ଼ା ବାଏପାସ୍ ରାସ୍ତା ଉପରେ ରେଡ଼୍ ମରାଯାଇଥିଲା ।
ସେଠାରେ ୧୮୫୦ ବୋତଲ ଏସ୍କଫ୍ ସିରଫ୍ ଲୋଡ଼୍ ହୋଇଥିବା ଏକ ଅଟୋ ରିକ୍ସାକୁ ପୋଲିସ କାବୁ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ୍ କରିଥିଲା । ଏହି ଘଟଣାରେ ବ୍ୟବହୃତ ଏକ ବୁଲେଟ୍ ମୋଟରସାଇକେଲ୍ ମଧ୍ୟ ଜବତ୍ ହୋଇଥିବା କୁହାଯାଇଛି । ତେବେ ଗିରଫ୍ ଅଭିଯୁକ୍ତମାନେ ବଲାଙ୍ଗିର ସହର ତଥା ଆଖପାଖ ଅଂଚଳରେ ପୂର୍ବରୁ କଫ୍ ସିରଫ୍ ବିକ୍ରି କରି ଆସୁଥିବା ଜଣାପଡିଛି । ଅଭିଯୁକ୍ତମାନଙ୍କ ଠାରୁ ୪ଟି ମୋବାଇଲ୍ ଫୋନ୍ ମଧ୍ୟ ଜବତ୍ ହୋଇଥିବା ଜଣାପଡ଼ିଛି । ନିର୍ବାଚନ ସମୟରେ ବଲାଙ୍ଗିର ପୋଲିସ ପକ୍ଷରୁ ଜୋରଶୋରରେ ନାକାବନ୍ଦି ଚାଲିଥିବା ସମୟରେ କାଲି ବିପୁଳ ପରିମାଣର ଏସ୍କଫ୍ ସିରଫ୍ ଜବତ୍ ଘଟଣା ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।
