ବାଲେଶ୍ଵର ଲଜ୍ଜ୍ୟା,ନିଖୋଜ ନାବାଳିକାର ମିଳିଲା ମୃତଦେହ …
1 min read
ପରିତ୍ୟକ୍ତ କୋଠା ଭିତରେ ପଡିଛି ନାବାଳିକାର ମୃତଦେହ। ପ୍ରଥମେ ଅପହରଣ ପରେ ନାବାଳିକାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଏଭଳି ଏକ ଘଟଣା ବାଲେଶ୍ୱର ଜିଲ୍ଲା ରେମୁଣାରେ ଦେଖିବାକୁ ମିଳିଛି । ଯାହା ଏବେ ଚାରିଆଡେ ଚାଞ୍ଚଲ୍ୟ ଖେଳିଯାଇଛି। ଗୁରୁବାର ରାତିରେ ଏକ ତିନି ମହଲା କୋଠା ଭିତରେ ଅପହରଣ ପରେ ନାବାଳିକାଙ୍କୁ ହତ୍ୟା କରାଯାଇଥିବା ଅନୁମାନ କରାଯାଇଛି । ପ୍ରଥମେ ଅପହରଣ ପରେ କୁକର୍ମ ଓ ହତ୍ୟା କରାଯାଇଥିବା ସନ୍ଦେହ କରାଯାଉଛି। ଘଟଣା ସ୍ଥଳରେ ବାଲେଶ୍ୱର ଏସପିଙ୍କ ସମେତ ସାଇଣ୍ଟିଫିକ୍ ଟିମ୍ ଉପସ୍ଥିତ ରହି ତଦନ୍ତ କରୁଛି।
ସୂଚନାନୁଯାୟୀ ୩ ଦିନହେଲା ନାବାଳିକା ଜଣକ ନିଖୋଜ ଥିଲେ। ଏକ ବନ୍ଦ ଭଙ୍ଗା କୋଠରୀ ଭିତରେ ଦୁର୍ଗନ୍ଧ ହେବାରୁ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ବନ୍ଦ କୋଠରୀ ଭିତରୁ ନାବାଳିକାଙ୍କ ମୃତଦେହ ଜବତ କରିଛି। ପରେ ଏହା ନିଖୋଜ ଥିବା ନାବାଳିକାଙ୍କ ମୃତଦେହ ବୋଲି ସ୍ପଷ୍ଟ କରିଛି। ଅନ୍ୟପକ୍ଷେ ପୋଲିସ ମୃତଦେହ ପାଖକୁ କାହାରିକୁ ଯିବାକୁ ଦେଉନାହିଁ। ସାଇଣ୍ଟଫିକ୍ ଟିମ୍ ତଦନ୍ତ କରିବା ପରେ ବ୍ୟବଚ୍ଛେଦ ପାଇଁ ପଠାଇବ । ନଅ ବର୍ଷୀୟ ନାବାଳିକାଙ୍କୁ କୁକର୍ମକରି ହତ୍ୟା କରାଯାଇଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି। ଏ ନେଇ ପୋଲିସ ଜଣଙ୍କୁ ଉଠାଇ ନେଇ ଅଟକ ରଖିଛି। ଉକ୍ତ ଯୁବକଜଣଙ୍କ ସ୍ଥାନୀନ ଅଞ୍ଚଳର ହୋଇଥିବାବେଳେ ପଥରରେ ଛେଚି ହତ୍ୟା କରିଥିବା କୁହାଯାଉଛି।
