(ଭିଡିଓ)ରାଜସ୍ଥାନରେ ରେଳ ଦୁର୍ଘଟଣା : ଲାଇନଚ୍ୟୁତ ହୋଇ ଓଲଟିଲା ୧୧ ବଗି
1 min read
ଜୟପୁର : ରେଳ ଧାରଣାରୁ ଖସିଲା ଯାତ୍ରୀବାହୀ ଟ୍ରେନ୍ । ବାନ୍ଦ୍ରା ଟର୍ମିନଓ –ଯୋଧପୁର ସୂର୍ଯ୍ୟନଗରୀ ଏକ୍ସପ୍ରେସ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ତାର ୧୧ ଟି ବଗି ଓଲଟି ପଡିଛି । ସପୃକ୍ତ ଘଟଣାରେ ୩ ଜଣ ଗୁରୁତର ଆହତ ହୋଇଥିବା ବେଳେ ପ୍ରାୟ ୭ ଜଣଙ୍କୁ ସାମାନ୍ୟ ଆଘାତ୍ ଲାଗିଛି ।
ମିଳିଥିବା ସୂଚନା ଅନୁଯାୟୀ ରବିବାର ରାତି ପ୍ରାୟ ୩.୨୭ ସମୟରେ ଯୋଧପୁର ଡିଭିଜନର ରାଜକିୟାବାସ-ବୋମଦାର ସେକ୍ସନ ମଦ୍ୟରେ ରେଳ ଦୁର୍ଘଟଣା ହୋଇଛି । ଏଥିରେ ଟ୍ରେନର ୧୧ଟି ସ୍ଲିପର କ୍ଲାସ ବଗି ରେଳ ଧାରନା ତଳକୁ ଖସି ଯାଇଥିଲା । ଯାହଫଳରେ ପ୍ରାୟ ୧୦ ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।
ଆହତ ମାନଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ଉତ୍ତର-ପଶ୍ଚିମ ରେଳ ବିଭାଗର ଅଧିକାରୀ ମାନେ ପହଞ୍ଚି ଯାତ୍ରୀମାନଙ୍କୁ ଗନ୍ତବ୍ୟସ୍ଥଳରେ ପହଞ୍ଚାଇବାକୁ ବ୍ୟବସ୍ଥା କରିଛନ୍ତି ।
ଅନ୍ୟପଟେ ହେଲପ୍ ଲାଇନ୍ ନମ୍ବର ମଧ୍ୟ ଜାରି କରାଯାଇଛି । ୧୩୮ଏବଂ ୧୦୭୨ ନମବରରେ କଲ୍ କରି ଯାତ୍ରୀମାନଙ୍କ ସହିତ ସର୍ମ୍ପକ କରିପାରିବେ ବୋଲି କୁହାଯାଇଛି । ଏହି ଟ୍ରେନ ଦୁର୍ଘଟଣା ଯୋଗୁ ସମ୍ପୃକ୍ତ ରେଳ ଧାରଣା ଦେଇ ଆସିବାକୁ ଥିବା ଟ୍ରେନ ଗୁଡିକର ଗତିପଥ ଗୁଡିକୁ ବଦଳାଇ ଦିଆଯାଇଛି ।
