ସ୍କୁଲ ବାରଣ୍ଡାରେ ବୁଲୁଛନ୍ତି ୩ଟି ଭାଲୁ : ଭୟରେ ଶ୍ରେଣୀ ଗୃହରୁ ବାହାରିପାରୁନାହନ୍ତି ଶିକ୍ଷକ ଓ ଛାତ୍ରଛାତ୍ରୀ ….

ନବରଙ୍ଗପୁର : ସ୍କୁଲରେ ଅଭାବନୀୟ ସ୍ଥିତି । ସ୍କୁଲ ବାରଣ୍ଡାରେ ବୁଲୁଛନ୍ତି ଭାଲୁ । ନନ୍ଦାହାଣ୍ଡି ବ୍ଲକ ଅନ୍ତର୍ଗତ ଦହଣା ସଦାଶିବ ହାଇସ୍କୁଲ ପରିସରରେ ତିନୋଟି ଭାଲୁ । ମା ସହିତ ଦୁଇଟି ଛୁଆ ରହିଛନ୍ତି । ସ୍କୁଲ ରେ ଷଷ୍ଠ ଶ୍ରେଣୀ ରୁ ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ର ଛାତ୍ରୀ ମାନେ ରହିଥିବା ବେଳେ ବର୍ତ୍ତମାନ ୨୦୦ ର ଉର୍ଦ୍ଧ ଛାତ୍ର ଛାତ୍ରୀ ଉପସ୍ଥିତ ଅଛନ୍ତି .ଏବଂ ୧୬ ଜଣ ଶିକ୍ଷକ ଶିକ୍ଷୟତ୍ରୀ ଓ ସ୍କୁଲ କର୍ମଚାରୀ ରହିଛନ୍ତି ।

ଖବର ପାଇ ଘଟଣା ସ୍ଥଳରେ ବର୍ତ୍ତମାନ ବନ ବିଭାଗର ଟିମ ପହଞ୍ଚି ଘଟଣା ର ଅନୁଧ୍ୟାନ କରୁଛନ୍ତି । ସକାଳେ ରାତ୍ରି ଜଗୁଆଳି ୬ ଟି ଭାଲୁ ଦେଖିଥିବା ପ୍ରଧାନ ଶିକ୍ଷକ ପ୍ରକାଶ କରିଛନ୍ତି । ବର୍ତ୍ତମାନ ତିନୋଟି ଭାଲୁ ଦେଖା ଯାଉଥିବା କହିଛନ୍ତି ପ୍ରଧାନଶିକ୍ଷକ ଅଭିଳାଷ ସାହୁ । ଅପରପକ୍ଷରେ ସ୍କୁଲ ଛାତ୍ର ଛାତ୍ରୀ ମାନେ ଭୟରେ ଶ୍ରେଣୀଗୃହରୁ ବାହାରି ପାରୁନାହନ୍ତି ଶିକ୍ଷକ ଓ ଛାତ୍ରଛାତ୍ରୀ ।

Advertisement