ସାବଧାନ! ବଜାରରେ ବୁଲୁଛି ଭାଲୁ , ସିସିଟିଭିରେ କଏଦ ହେଲା ଦୃଶ୍ୟ …
1 min read
ସାବଧାନ! ବଜାରରେ ବୁଲୁଛି ଭାଲୁ । ରାତି ହେଲେ ବଜାରକୁ ଆସୁଛି ଭାଲୁ ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି । ଯାହାକୁ ଦେଖି ସାଧାରଣ ଲୋକେ ଭୟରେ ଆତଙ୍କିତ । ସାଧାରଣତଃ ଭାଲୁର ନାଁ ଶୁଣିଲେ ମନରେ ଛନକା ପଶେ । ଏବେ ସେହି ଭାଲୁ ଜଙ୍ଗଲ ଛାଡି ଆସି ବଜାରରେ ବୁଲୁଛି । ଲୋକଙ୍କ ଘର ସାମ୍ନାରେ ବୁଲିବା ସହ ରାସ୍ତାରେ ଖାଦ୍ୟ ଖୋଜୁଛି ଭାଲୁ । ହେଲେ ବନ ବିଭାଗ ଭାଲୁକୁ ଖୋଜି ପାଉ ନାହିଁ ।
ତେବେ ରାତିରେ ଭାଲୁଥିବାର ଦୃଶ୍ୟ ସିସିଟିଭିରେ କଏଦ ହୋଇଛି । ମୟୁରଭଞ୍ଜ ଜିଲ୍ଲା ଖୁଣ୍ଟା ଅଞ୍ଚଳରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଲୋକମାନେ ଏବେ ଭୟରେ ସନ୍ଧ୍ୟା ହେଲେ ଘରୁ ବାହାରୁ ନାହାନ୍ତି । ଦିନ ବେଳେ ବି ବଜାର ଶୁନ୍ ଶାନ୍ । ପୂର୍ବପରି ବଜାରରେ ଲୋକ ଗହଳି ଦେଖା ଯାଉନି । ତେବେ ଭାଲୁଟିର ବୟସ ବେଶୀ ହୋଇ ନ ଥିବା ବେଳେ ୧ ବର୍ଷ ରୁ ଦେଢ଼ ବର୍ଷ ମଧ୍ୟରେ ହେବ ବୋଲି ଜଣାଯାଇଛି । ବନ ବିଭାଗ ଭାଲୁ କୁ ଖୋଜୁଥିଲେ ସୁଦ୍ଧା ତାହାର ପତ୍ତା ପାଉ ନାହିଁ । ଭାଲୁଟି ନିକଟ କୁମ୍ଭିରା ହିଡିରୁ ଆସିଥିବାବେଳେ ବନ ବିଭାଗ ଭାଲୁର ଗତିବିଧି ଉପରେ ତୀକ୍ଷଣ୍ ନଜର ରଖିଛି ।
