ନିଜ ଫିଲ୍ମ ରିଲିଜ ହେବା ପୂର୍ବରୁ ପୁରୀରେ ପହଞ୍ଚିଲେ ବଲିଉଡ ଅଭିନେତା ଉତ୍କର୍ଷ ଶର୍ମା, ମହାପ୍ରଭୁଙ୍କ କଲେ ଦର୍ଶନ
1 min read
ପୁରୀରେ ଶ୍ରୀମନ୍ଦିରକୁ ଆସିଲେ ବଲିଉଡ ଅଭିନେତା ଉତ୍କର୍ଷ ଶର୍ମା | ଶ୍ରୀଜଗନ୍ନାଥଙ୍କୁ ଦର୍ଶନ ଆକରି ନିଜର ଆଗାମୀ ଫିଲ୍ମ ପାଇଁ ଆର୍ଶୀବାଦ କାମନା କଲେ | ବର୍ତ୍ତମାନ ତାଙ୍କର ବନବାସ ନାନା ପାଟେକରଙ୍କ ସହ ଆସିବାକୁ ଯାଉଛି | ଏହି ଫିଲ୍ମର ସୁଟିଂ ଆରମ୍ଭ ହୋଇଯାଇଛି | ତେଣୁ ସେ ତାଙ୍କ ପ୍ରମୋସନର ଆରମ୍ଭ ଶ୍ରୀମନ୍ଦିର ମହାପ୍ରଭୁଙ୍କ ଦର୍ଶନରୁ ଆରମ୍ଭ କରିଛନ୍ତି | ଅଭିନେତା ଉତ୍କର୍ଷ କହିଛନ୍ତି କି, ସେ ଆଉଥରେ ଶ୍ରୀମନ୍ଦିର ଆସିବେ |
ବଲିଉଡ଼ର ବରିଷ୍ଠ ଅଭିନେତା ନାନା ପାଟେକର ଓ ଉତ୍କର୍ଷ ଶର୍ମାଙ୍କ ଫିଲ୍ମ ‘ବନବାସ’ର ପୋଷ୍ଟର ରିଲିଜ୍ ହୋଇଯାଇଛି। ପୋଷ୍ଟର ସହ ନିର୍ମାତା ଚଳଚ୍ଚିତ୍ରର ମୁକ୍ତିଲାଭ ତାରିଖ ମଧ୍ୟ ଘୋଷଣା କରିଛନ୍ତି। ଡିସେମ୍ବର ୨୦ରେ ପରଦାକୁ ଆସିବ ଏହି ଚଳଚ୍ଚିତ୍ର।
ତେବେ ଏହି ଫିଲ୍ମଟି ପରିବାର ଜୀବନଶୈଳୀ ଆଧାରିତ | କିପରି ଗୋଟେ ସାଧରଣ ପରିବାରରେ ବାପାମା ବୃଦ୍ଧାବସ୍ଥାରେ ଛାଡି ବାହାରକୁ ଚାଲିଯାଇଥାନ୍ତି କିମ୍ବା ତାଙ୍କୁ କେଉଁଟି ପଠାଇ ଦିଅନ୍ତି , ତାହା ଉପରେ ଏହି ଫିଲ୍ମଟି ଆଧାରିତ | ଏହି ଫିଲ୍ମର ମୂଳଲକ୍ଷ୍ୟ ହେଉଛି, ବାପା ମାଆଙ୍କ କର୍ତ୍ତବ୍ୟ ହେଉଛି ପିଲାମାନଙ୍କୁ ପାଳିବା ଓ ପରିଣତ ବୟସରେ ପିଲାମାନଙ୍କର ମଧ୍ୟ ଅନୁରୂପ ଧର୍ମ ହେଉଛି ପିତା ମାତାଙ୍କ ପ୍ରତି କର୍ତ୍ତବ୍ୟ କରିବା। ସେଥିପାଇଁ ଏହି ଫିଲ୍ମର ନାମ ବନବାସ ରଖାଯାଇଛି |
