ଭରତପୁରର ମହାଭାରତ ; କାହିଁକି ଆରମ୍ଭ ହୋଇଥିଲା ଝଗଡା , ମୁହଁ ଖୋଲିଲେ ଇଞ୍ଜିନିୟରିଂ ଛାତ୍ର ।
1 min read
ଭରତପୁର ମହାଭାରତରେ ନୂଆ ମୋଡ । ମେଜର ଓ ତାଙଯକ ବାନ୍ଧବୀଙ୍କୁ ନିର୍ଯାତନା ଘଟଣାରେ ଯେତିକି ଭିଡିଓ ସାମ୍ନାକୁ ଆସୁଛି ଘଟଣା ସେତିକି ଗୁଡାଇହୋଇଯାଉଛି । କାରଣ ଭାଇରାଲ ଭିଡିଓ କିଛି କହୁଥିବା ବେଳେ ବନ୍ଧା ହୋଇଥିବା ୭ ଛାତ୍ର ଆଉ କିଛି କହିଛନ୍ତି । ଛାତ୍ରମାନଙ୍କ କହିବା ଅନୁଯାୟୀ ସେଦିନ ରାତିରେ ପଟିଆରୁ ୨ ଟି ଗାଡିରେ ଫେରୁଥିଲେ ସେମାନେ । ମେଜର ଆଉ ତାଙ୍କ ବାନ୍ଧବୀ ମଧ୍ୟ ତାଙ୍କ ଗାଡିରେ ଫେରୁଥିଲେ ।
ଛାତ୍ରଙ୍କ କହିବା ଅନୁଯାୟୀ ମେଜର ଓ ତାଙ୍କ ବାନ୍ଧବୀ ଫୁଲ୍ ନିଶାରେ ଥିଲେ। ସେମାନେ ଆମକୁ ରାସ୍ତାରେ ଅଟକାଇବାକୁ ଚେଷ୍ଟା କରିଥିଲେ। କାର୍ରେ ରହି ମେଜରଙ୍କ ବାନ୍ଧବୀ ଆମକୁ ମିଡିଲ୍ ଫିଙ୍ଗର ଦେଖାଇଥିଲେ। ଅଭଦ୍ର ଭାଷାରେ ଗାଳି ଦେଇଥିଲେ। ଏହାପରେ କାର୍ ଅଟକାଇବାକୁ ଆମେ ସେମାନଙ୍କୁ କହିଥିଲୁ। ସେମାନେ କାର୍ ଅଟକାଇ ଥିଲେ। ତା’ପରେ ଯୁକ୍ତିତର୍କ ଆରମ୍ଭ ହୋଇଥିଲା । ହେଲେ ଆମେ ସମ୍ପୃକ୍ତ ମହିଳାଙ୍କୁ କୌଣସି ଶାରୀରିକ ଆଘାତ ବା ମାଡ଼ ମାରି ନାହୁଁ।
Advertisement
