ରାଜଧାନୀର ଫେମସ ‘କିଶୋର ଭାଇନା ମଟନ’ରେ BMC ର ଚଢାଉ ପରେ ସିଲ୍ କଲା ହୋଟେଲ

ଭୁବନେଶ୍ୱର : ରାଜଧାନୀ ଭୁବନେଶ୍ୱରର ବହୁ ପ୍ରସିଦ୍ଧ କିଶୋର ଭାଇନା ମଟନ ଖାଇବା ପାଇଁ କାହିଁ କେଉଁ ଦୂର ଦୂରାନ୍ତରୁ ଲୋକମାନେ ଆସି ତାର ନିଆରା ସ୍ୱାଦା ଚାଖିବା ପାଇଁ ଭିଡ ଜମାଇ ଥାନ୍ତି । ଦେଖିବାକୁ ଗଲେ କିଶୋର ଭାଇନା ହୋଟେଲ କୌଣସି ବଡ ହୋଟେଲ କିମ୍ବା ରେଷ୍ଟୁରାଣ୍ଟ ଭଳି ଜାକ ଜମକ ନୁହେଁ । ଆଜବେଷ୍ଠ ପାଲ ତଳେ ଚାଲିଥାଏ ତାଙ୍କର ସେହି ହୋଟେଲଟି ।

ଏହି ହୋଟେଲର ମଟନ ଏତେ ଫେମସ ହୋଇଯାଇଥିଲା ଯେ ଏହାର ସ୍ୱାଦ ବାରିବା ପାଇଁ କେବଳ ରାଜ୍ୟ ବାହରୁ ନୁହେଁ ବରଂ ଦେଶ ବାହାରୁ ମଧ୍ୟ ଲୋକମାନେ ଆସିଥାନ୍ତି । ତେବେ ଗତକାଲି କିସୋର ଭାଇନାଙ୍କ ହୋଟେଲରେ ଚଢାଉ କରିଥିଲା ବିଏମସି । ସୂଚନା ଅନୁଯାୟୀ ଗତକାଲି ଖାଦ୍ୟର ରଙ୍ଗ ଓ ଏକ୍ସପାରି ଫେଲ ସସ୍‌କୁ ବ୍ୟବହାର କରୁଥିବା ନେଇ ରେଡ୍ ପକାଇଥିଲା ଟିମ୍ । ସବୁକୁ ତନାଘନା କରି ଜାଞ୍ଚ କରିସାରିବା ପରେ ସ୍ୱଚ୍ଛତା ଓ ନିମ୍ନମାନର ଜିନିଷ ବ୍ୟବହାର କରିବା ନେଇ କିଶୋର ଭାଇନାଙ୍କ ମଟନ ହୋଟେଲକୁ ସିଲ୍ କରିଥିଲା ବିଏମସି ।

Advertisement