ଭୁବନେଶ୍ୱର ପାଣିପାଗ କେନ୍ଦ୍ରର ନୂଆ ନିର୍ଦ୍ଦେଶକ ଡକ୍ଟର ମନୋରମା ମହାନ୍ତି …..
1 min read
ଭୁବନେଶ୍ୱର ; ଡକ୍ଟର ମନୋରାମା ମହାନ୍ତିଙ୍କୁ ଭୁବନେଶ୍ୱରର ପାଣିପାଗ କେନ୍ଦ୍ରର ନୂତନ ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଛି। ଡକ୍ଟର ମହାନ୍ତି ବର୍ତ୍ତମାନ ଅହମ୍ମଦାବାଦର ପାଣିପାଗ ବିଭାଗ (ଆଇଏମଡି) ର ମୁଖ୍ୟ ଭାବରେ କାର୍ଯ୍ୟ କରୁଥିଲେ।ତେବେ ପଦୋନ୍ନତି ସହ ତାଙ୍କୁ ନୂଆ ନିଯୁକ୍ତି ମିଳିଛି । ଭୁବନେଶ୍ୱରର ଆଞ୍ଚଳିକ ପାଣିପାଗ କେନ୍ଦ୍ରର ବିଦାୟୀ ନିର୍ଦ୍ଦେଶକ ଏଚ୍.ଆର୍ ବିଶ୍ୱଙ୍କୁ କୋଲକାତାର IMD କୁ ସ୍ଥାନାନ୍ତର କରାଯାଇଛି।
ମନୋରମା ମହାନ୍ତି ଭାରତର ଉତ୍କଳ ବିଶ୍ୱବିଦ୍ୟାଳୟରୁ ପଦାର୍ଥ ବିଜ୍ଞାନରେ ମାଷ୍ଟର ଡିଗ୍ରୀ ସମାପ୍ତ କରିବା ପରେ ଭାରତ ପାଣିପାଗ ବିଭାଗରେ ଯୋଗ ଦେଇଥିଲେ। ଆରବ ସାଗରରେ ଗଠିତ ଶକ୍ତିଶାଳୀ ଘୂର୍ଣ୍ଣିବଳୟ ‘ତାଉତେ ଏବଂ ‘ବିପର୍ଯ୍ୟୟର’ର ସଠିକ୍ ପୂର୍ବାନୁମାନ ପାଇଁ ତାଙ୍କୁ ଶ୍ରେୟ ଦିଆଯାଇଥିଲା। ଏଥିପାଇଁ ଗୁଜରାଟରେ ଅନେକ ଧନଜୀବନ ରକ୍ଷା ପାଇଥିଲା । ଏଥିପାଇଁ ସେ ଗୁଜରାଟ ସରକାରଙ୍କ ପକ୍ଷରୁ ମଧ୍ୟ ପ୍ରଶଂସିତ ହୋଇଥିଲେ । ଓଡ଼ିଶା ପରି ବାତ୍ୟା ପ୍ରବଣ ରାଜ୍ୟରେ ତାଙ୍କର ଅଭିଜ୍ଞତା ବଡ଼ ଭୂମିକା ନିର୍ବାହ କରିବ ।
