ପୁଣି ରାଜଧାନୀରେ ଛାତ୍ର ଆତ୍ମହତ୍ୟା : କଲେଜ ହଷ୍ଟେଲରୁ ମିଳିଲା ଯୁକ୍ତ ୨ ଛାତ୍ରଙ୍କ ଝୁଲନ୍ତା ଶରୀର
1 min read
ଭୁବନେଶ୍ୱର : ପୁଣି ରାଜଧାନୀରେ ସନ୍ଦେହ ଜନକ ଛାତ୍ର ଆତ୍ମହତ୍ୟା । ଏକ ବିଶାକ୍ତ ଭାଇରସ୍ ପରି ରାଜଧାନୀରେ ମାଡିଚାଲିଚି ଆତ୍ମହତ୍ୟା । ଜଣଙ୍କ ପରେ ଜଣେ ଛାତ୍ରଛାତ୍ରୀଙ୍କ ଆତ୍ମହତ୍ୟା ଘଟଣାଟି ପରିବାର ଲୋକଙ୍କ ପାଇଂ ଚିନ୍ତାର କାରଣ ପାଲଟିଯାଇଛି । ଛୋଟ ଛୋଟ କଲେଜ ଛୁଆ ମାନେ ଏଠି ହାରିଦେଉଛନ୍ତି ନିଜ ଜୀବନ । ଯାହା ପାଇଁ ଏବେ ବାପା ଡରୁଛନ୍ତି ନିଜ ଛୁଆମାନଙ୍କୁ ବାହାରକୁ ପଢାଇବାକୁ । ଛୁଆଙ୍କ ଭବିଷ୍ୟାତ ଚିନ୍ତା କରିବେ ନା ତାଙ୍କ ବଞ୍ଚିକି ରହିବାର କଥା ଚିନ୍ତା କରିବେ ବାପା ମାଁ । ରାଜଧାନୀ ଭାବେ ବେସ ନାଁ କରିଛି ଭୁବନେଶ୍ୱର । ଏଠାରେ ଅନେକ ସରକାରୀ ବେସକାରୀ ପ୍ରତିଷ୍ଠିତ ବିଦ୍ୟାଳୟ ଏବଂ ବିଶ୍ୱାବିଦ୍ୟାଳୟ ରହିଚି । ଯେଉଁଥିପାଇଁ ବାପାମା ନିଜ ଛୁଆର ଉଜ୍ୱଳ ଭବିଷ୍ୟାତ ନିମନ୍ତେ ଭୁବନେଶ୍ୱରକୁ ଛାଡିଥାନ୍ତି ଛୁଆମାନଙ୍କୁ ।
କିନ୍ତୁ ଚଳିତ ବର୍ଷ ଗୋଟେ ପରେ ଗୋଟେ ଛାତ୍ରଛାତ୍ରୀ ଆତ୍ମହତ୍ୟା ପରେ ଆଜି ପୁଣି ଜଣେ ଯୁକ୍ତ ୨ ଛାତ୍ର ଆତ୍ମହତ୍ୟା ସାମ୍ନାକୁ ଆସିଛି । ଉକ୍ତ ଛାତ୍ରଙ୍କ ମୃତଦେହ ଭୁବନେଶ୍ୱର ସ୍ଥିତ ଇନଫୋଭ୍ୟାଲି ଥାନା ଅନ୍ତର୍ଗତ ଏକ ଘରୋଇ କଲେଜ ହଷ୍ଟେଲରୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ତେବେ ମୃତ ଛାତ୍ର ଜଣଙ୍କ ହେଲେ ସୂର୍ଯ୍ୟପ୍ରକାଶ ପଲେଇ । ଯୁକ୍ତ ୨ ର ପ୍ରଥମ ବର୍ଷର ଛାତ୍ର । ଚଳିତ ବର୍ଷ ମ୍ୟାଟ୍ରିକରେ ଭଲ ରେଜଲ୍ଟ କରି ସେ ଭୁବନେଶ୍ୱରର ଏକ ଘରୋଇ କଲେଜରେ ଆଡମିଶନ କରିଥିଲେ । ଏହାପରେ ୧ ମାସ ହେବ ସେହି କଲେଜର ହଷ୍ଟେଲରେ ରହୁଥିଲେ । କିନ୍ତୁ ହଠାତ୍ ଆଜି ତାଙ୍କ ଝୁଲନ୍ତା ମୃତଦେହ ଉଦ୍ଧାର କରିଥିଲା ପୋଲିସ ।
ସୂଚନା ଅନୁଯାୟୀ ଗତକାଲି ସୂର୍ଯ୍ୟପ୍ରକାଶ ନିଜ ରୁମର କବାଟ ଦେଇ ଫ୍ୟାନ୍ରେ ଗାମୁଚା ଲଗାଇ ଆତ୍ମହତ୍ୟା କରିଥିଲେ । ଛାତ୍ର ଜଣଙ୍କ ଫ୍ୟାନରେ ଏକ ଗାମୁଛାଦ୍ୱାରା ଝୁଲୁଥିବାର କିଛି ଛାତ୍ର ଝରକାରେ ଦେଖି ହଷ୍ଟେଲ ୱାର୍ଡେନଙ୍କୁ ଜଣାଇଥିଲେ । ହଷ୍ଟେଲ ୱାର୍ଡେନ ଓ କଲେଜ କତ୍ତୃପକ୍ଷ ମିଶି ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଝୁଲନ୍ତା ଶବକୁ ଉଦ୍ଧାର କରିଥିଲା । ଏହା ପରେ ହଷ୍ଟେଲ ୱାର୍ଡେନ ସୂର୍ଯ୍ୟପ୍ରକାଶଙ୍କ ପରିବାର ଲୋକଙ୍କୁ ତାଙ୍କ ସ୍ୱାସ୍ଥ ଅବସ୍ଥା ଖରାପ ଥିବା ନେଇ ସୂଚନା ଦେଇଥିଲେ ।
ଗତକାଲି ରାତିରେ ହିଁ ପରିବାର ଲୋକେ ପୁଅର ସ୍ୱାସ୍ଥ ଅବସ୍ଥା ସଙ୍କଟାପନ୍ନ ଥିବା ନେଇ ହଷ୍ଟେଲରେ ପହଞ୍ଚିଯାଇଥିଲେ । କିନ୍ତୁ ସେଠାରେ ପହଞ୍ଚି ଦେଖନ୍ତିତ ପୁଅର ମୃତଦେହ । ତେବେ ପୁଅ କାହିଂକି ଏପରି କଲା ଏନେଇ ପରିବାର ଲୋକେ ସ୍ଫଷ୍ଟ ହୋଇପାରିନାହାନ୍ତି । ତେବେ ସୂର୍ଯ୍ୟପ୍ରକାଶଙ୍କ ବାପା ଏହାକୁ ହତ୍ୟା ବୋଲି କହିଛନ୍ତି କାରଣ ତାଙ୍କ କହିବା ଅନୁଯାୟୀ ହଷ୍ଟେଲ ରୁମ୍ରେ ଲାଗିଥିବା ପ୍ୟାନଟିଅନେକ ଉପରେ ଅଛି ପୁଅ ଏତେ ଉଚ୍ଚାରେ କିପରି ଗାମୁଛା ଲଗାଇ ପାରିଲା । ଅନ୍ୟପଟେ ପୋଲିସ ସାଇଟିଫିକ ଟିମ୍ ଧରି ଘଟଣାର ତଦନ୍ତ ଚଲାଇଛି । କିଛି ଲୋକଙ୍କ କହିବା ଅନୁଯାୟୀ ହୁଏତ ସୂର୍ଯ୍ୟପ୍ରକାଶ ପାଠ ପ୍ରେସରରେ ଏପରି କରିଥାଇପାରେ । କିନ୍ତୁ ଏହାର ପ୍ରକୃତ ସତ୍ୟାସତ୍ୟ ତଦନ୍ତ ଓ ଶବ ବ୍ୟବିଚ୍ଛେଦ ପରେ ହିଁ ଜଣାପଡିବ ବୋଲି କହିଛି ପୋଲିସ ।
