ଶନି ମନ୍ଦିର ଉପରେ ମାଡିଗଲା ଟାଙ୍କର , ବଞ୍ଚାଇଦେଲେ ହନୁମାନ …
1 min read
ବଲାଙ୍ଗୀର ; ବରଗଡ଼ ଜାତୀୟ ରାଜପଥରେ ଦୁର୍ଘଟଣା । ବେଦାନ୍ତ ଗାଡ଼ି ଧକ୍କାରେ ଶନିଦେବ ଙ୍କ ମନ୍ଦିର ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବା ସୂଚନା ମିଳିଛି । ବଲାଙ୍ଗୀର ସହର ଲୋକନାଥ ମହାଦେବ ମନ୍ଦିର ସମ୍ମୁଖରେ ଏଭଳି ଏକ ଭୟଙ୍କର ଦୁର୍ଘଟଣା ଘଟିଛି । ଟାଙ୍କର ଧକ୍କାରେ ପ୍ରଭୁ ଶନିଦେବଙ୍କ ମନ୍ଦିର ସମ୍ପୂର୍ଣ୍ଣ ଭାବରେ ନଷ୍ଟ ହୋଇଥିବା ବେଳେ ହନୁମାନ ମନ୍ଦିର ପାଖକୁ ଆସି ଅଟକି ଯାଇଥିଲା । ଯାହାକୁ ସ୍ଥାନୀୟ ବାସିନ୍ଦା ଭଗବାନ ହନୁମାନଙ୍କ ରକ୍ଷକ ସାଜି କିଛି ବଡ ଦୁର୍ଘଟଣାରୁ ରକ୍ଷା କରିଦେଇଥିବା ଆଲୋଚନା କରୁଛନ୍ତି ।
ମିଳିଥିବା ସୂଚନା ଅନୁସାରେ ଦୁର୍ଘଟଣା ଘଟାଇଥିବା ଟାଙ୍କରଟି ଝାରସୁଗୁଡ଼ା ରୁ ଲାଞ୍ଜିଗଡ଼ ଅଭିମୁଖେ ଯାଉଥିଲା । ଟାଙ୍କରରେ ବେଦାନ୍ତ କମ୍ପାନୀର ଆଲୁମିନା ପାଉଡର ରହିଥିବା କୁହାଯାଉଛି । ତେବେ ମହାଦେବ ମନ୍ଦିର ନିକଟରେ ହଠାତ୍ ଟ୍ରକ ଟି ଶନିଦେବ ଙ୍କ ମନ୍ଦିରକୁ ଧକ୍କା ଦେଇଥିଲା । ଫଳରେ ମନ୍ଦିର ସମ୍ପୂର୍ଣ୍ଣ ଭାବରେ ନଷ୍ଟ ହୋଇଛି ।
ଖବରପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଟାଙ୍କରକୁ ଉଦ୍ଧାର କରିଥିଲା । ଡ୍ରାଇଭରକୁ ପ୍ରଥମେ ହସ୍ପିଟାଲ୍ ନେଇ ପ୍ରାଥମିକ ଚିକିତ୍ସିତ କରିବା ପରେ ଥାନା କୁ ଅଣାଯାଇଥିବା ଜଣାପଡିଛି। ଡ୍ରାଇଭର ସୁରକ୍ଷିତ ଥିବାବେଳେ ଟାଉନ ପୋଲିସ ର ତଦନ୍ତ ଜାରି କରିଛି ।
