ମଧୁପୁର ଘାଟରେ ବଡ ଅଘଟଣ ; ଓଲଟିଲା ଡଙ୍ଗା ନିଖୋଜ୍ ୧୮ ଛାତ୍ରଛାତ୍ରୀ …
1 min read
ବିହାର ; ପ୍ରତ୍ୟକଦିନ ଭଳି ଆଜିବି ନିଜନିଜ ଘରୁ ବାହାରି ଡଙ୍ଗାରେ ବସି ସ୍କୁଲ ଯିବାକୁ ବାହାରିପଡିଥିଲେ ମୁଜାଫରପୁରର ୩୨ ଜଣ ଛାତ୍ରଛାତ୍ରୀ । ହେଲେ କାଳ ଗୁରୁବାର ନଦୀ ପାର ହେବା ପୂର୍ବରୁ ଘଟିଗଲା ଅଘଟଣ । ଘାଟରେ ଓଲଟିଲା ଡଙ୍ଗା ନିଖୋଜ୍ ହେଲେ ୧୮ ଜଣ ଛାତ୍ରଛାତ୍ରୀ ।
ସୂଚନା ଅନୁସାରେ ଆଜି ପୂର୍ବାହ୍ନ ସମୟରେ ଏଭଳି ଦୁଃଖଦ ଅଘଟଣ ଘଟିଛି ବିହାରର ମୁଜାଫରପୁରର ବାଗମାଟି ନଦୀରେ । ୩୨ ଜଣ ଛାତ୍ରଛାତ୍ରୀଙ୍କୁ ନେଇ ଘାଟରୁ ବାହାରିଥିବା ବେଳେ ଡଙ୍ଗାଟି ଓଲଟି ପଡିଥିଲା । ଏନେଇ ସ୍ଥାନୀୟଲୋକେ ତୁରନ୍ତ ଦମକଳ ବାହିନୀକୁ ଖବର ଦେଇଥିଲେ । ଖବର ପାଇ ପୋଲିସ ଏବଂ ରାଜ୍ୟ ବିପର୍ଯ୍ୟୟ ମୁକାବିଲା ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରି ଦେଇଥିଲେ ।
ହେଲେ ସେମାନଙ୍କ ମଧ୍ୟରୁ ୧୬ ଜଣ ପିଲାଙ୍କୁ ଉଦ୍ଧାର କରାଯାଇଥିଲେ ବି ଅନ୍ୟମାନେ ନିଖୋଜ ହୋଇଯାଇଛନ୍ତି । ବର୍ତ୍ତମାନ ସୁଦ୍ଧା ସେମାନଙ୍କୁ ଉଦ୍ଧାର କରିବା ପାଇଁ ନିୟୋଜିତ ଅଛନ୍ତି ଉଦ୍ଧାରକାରୀ ଟିମ୍ । ସମୃକତ୍ ଅଞ୍ଚଳରେ ଘଟଣାକୁ ନେଇ ଏକ ପ୍ରକାରର ଭୟର ମାହୋଲ ଖେଳିଯାଇଛି ।
