ରାଜ୍ୟରେ ପୁଣି ଦୁର୍ଘଟଣା ନେଲା ଜୀବନ : ଟ୍ରକ ସହ ଧକ୍କା ହେଲା ବାଇକ୍ ,ଚାଲିଗଲା ଯୁବକଙ୍କ ଜୀବନ …
1 min read
ବୈପାରୀଗୁଡା : ପୁଣି ରାଜ୍ୟରେ ଦୁର୍ଘଟଣ ନେଲା ଜୀବନ । ଆଜି କୋରାପୁଟ ଜିଲ୍ଲା ବୈପାରୀଗୁଡା ଥାନା ଲଷ୍ମୀପୂର ଛକ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି ।
ସୂଚନା ଅନୁଯାଇ ଆଜି ସକାଳ ସମୟରେ ମାଲକାନଗିରି ଜିଲ୍ଲା ଖଇରୁପୁଟ ବ୍ଲକ ସାନଡୁରାହାଲ ଗ୍ରାମ ପଞ୍ଚାୟତର ଗାଦବାପଡାର ଜଣେ ଯୁବକ ବୈପାରୀଗୁଡାରୁ ମାଲକାନଗିରି ରାସ୍ତା ଦେଇ ବାଇକ ଯୋଗେ ଘରକୁ ଫେରୁଥିବା ସମୟରେ ଭାରସାମ୍ୟ ହରାଇ ଟ୍ରକ୍ ସହ ପିଟିହୋଇ ପଡିଯାଇଥିଲେ । ଏବଂ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି । ତେବେ ଦୁର୍ଘଟଣା ନିକଟରେ ଏକ ଟ୍ରକ ଗାଡି ନମ୍ବର (TS 08 UE 9135)ଅଛି । କିନ୍ତୁ ଟ୍ରକରେ ଡ୍ରାଇଭର ନାହାନ୍ତି ତେବେ ଏହି ଟ୍ରକ ସହ ଦୃଘଟଣା ହୋଇଥିବା ନେଇ ସନ୍ଦେହ କରାଯାଉଛି ।
ଏ ସମ୍ପର୍କରେ ସୂଚନା ପାଇଲା ପରେ ବୈପାରୀଗୁଡା ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରକର ମାଲିକକୁ ଖୋଜିବାକୁ ଚେଷ୍ଟା ଚଲାଇବା ସହ ତଦନ୍ତ ଆରମ୍ଭ କରିଦେଇଛି । ତେବେ ଦୁର୍ଘଟଣା ସମୟରେ କେହି ପ୍ରତ୍ୟକ୍ଷଦର୍ଶୀ ନଥିବାବେଳେ ଏଭଳି ଦୁର୍ଘଟଣା କିଭଳି ଘଟିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
