ଲକ୍ଷ୍ମୀ ବସ ସହ ବାଇକ ମୁହାଁମୁହିଁ ଧକ୍କା, ଘଟଣା ସ୍ଥଳରେ ବାଇକ ଚାଳକ ମୃତ, ଜଣେ ଗୁରୁତର….
1 min read
ନବରଙ୍ଗପୁର ; ଲକ୍ଷ୍ମୀ ବସ ସହ ବାଇକ ମୁହାଁମୁହିଁ ଧକ୍କା,ବାଇକ ଚାଳକ ମୃତ୍ୟୁ ଅନ୍ୟ ଜଣେ ଗୁରୁତର । ଏହିଭଳି ଘଟଣା ଘଟିଛି ନବରଙ୍ଗପୁର ଜିଲ୍ଲା ଝରିଗାଁ ଥାନା ବଡ଼ଟେମେରା ପଞ୍ଚାୟତ ଅନ୍ତର୍ଗତ ଢେଫଗୁଡା ଗ୍ରାମ ନିକଟରେ ।ଲଷ୍ମୀ ବସ ସହ ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି ।ମୃତ ଜଣକ ହେଲେ ଡଙ୍ଗରିଗୁଡ଼ା ଗାଁ ର ଜଗବନ୍ଧୁ ଜାନୀ ।
ସୂଚନା ଅନୁଯାୟୀ ଆଜି ସକାଳୁ ଡଙ୍ଗରିଗୁଡ଼ା ଗ୍ରାମର ଜଗବନ୍ଧୁ ଜାନୀ ଏବଂ ସମ୍ପର୍କୀୟ ଭାଇ କାଦ୍ରୁ ଜାନୀ ପରିବା କିଣିବା ପାଇଁ ବାଇକ ଯୋଗେ ଚଚା ହାଟକୁ ଆସିଥିଲେ।ତେବେ ହାଟରେ ପରିବା କିଣି ଘରକୁ ଫେରୁଥିବା ବେଳେ ପ୍ରାୟ ସନ୍ଧ୍ୟା ସମୟରେ ଢେଫଗୁଡା ଗ୍ରାମ ନିକଟରେ ଏକ ବୁଲାଣି ରାସ୍ତାରେ ବିପରୀତ ଦିଗରୁ ଆସୁଥିବା ଲକ୍ଷ୍ମୀ ବସ ସହ ମୁହାଁମୁହିଁ ଧକ୍କା ହୋଇଥିଲା।ଫଳରେ ବାଇକରେ ବସିଥିବା ଦୁଇ ଜଣ ଛିଟିକି ହୋଇ ରାସ୍ତା ଉପରେ ପଡ଼ିଥିଲେ।
ଘଟଣା ସ୍ଥଳରେ ବାଇକ ଚାଳକ ଜଗବନ୍ଧୁ ଜାନୀଙ୍କ ମୃତ୍ୟୁ ହୋଇଥିବା ବେଳେ କାଦ୍ରୁ ଜାନୀଙ୍କୁ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ସ୍ବାସ୍ଥ୍ୟବସ୍ଥା ଜଟିଳ ଥିବା ଯୋଗୁଁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ତେବେ ଘଟଣା ଘଟିବା ପରେ ଲକ୍ଷ୍ମୀ ବସ ଡ୍ରାଇଭର ଫେରାର ଥିବା ବେଳେ ଘଟଣା ସ୍ଥଳରେ ଉତେଜନା ଦେଖାଦେଇଛ। ପରିବାର, ଗ୍ରାମବାସୀ ମୃତକ ପରିବାର କୁ କ୍ଷତିପୂରଣ ଦାବୀ କରି ଲକ୍ଷ୍ମୀବସ କୁ ଅଟକ ରଖିଥିବା ସହ ରାସ୍ତାରେ ହିଁ ଲକ୍ଷ୍ମୀ ବସ ସମ୍ମୁଖରେ ଶବ କୁ ରଖିଛନ୍ତି।
