ମରଣଜନ୍ତା ପାଲଟିଛି ନିର୍ମାଣଧିନ ରାସ୍ତା କଲଭର୍ଟ, ଦୁର୍ଘଟଣାରେ ଗୁରୁତର ହେଲେ ବାଇକ ଚାଳକ…
1 min read
ଅଧାମୁକୁଳା ହୋଇ ପଡିଛି ରାସ୍ତା କାମ । ହେଲେ ଲଗାଯାଇ ନାହିଁ କୈାଣସି ସୂଚନା ଫଳକ । ଯେଉଁଥିପାଇଁ ଦୁର୍ଘଟଣା ଘଟି ଲହଲୁୁହାଣ ହୋଇ ମୃତ୍ୟୁମୁଖରେ ପଡୁଛନ୍ତି ଲୋକେ । ସେହିପରି ଆଜି ଯାଜପୁର ଥାନା ଅନ୍ତର୍ଗତ ବିଂଝାରପୁର ରାସ୍ତାର ବିଜିପୁର ଛକ ନିକଟରେ ନିର୍ମାଣଧିନ କଲଭଟରୁ ପଡ଼ି ଯୁବକ ଗୁରୁତର । ଗୁରୁତର ଯୁବକଙ୍କ ପରିଚୟ ଅସ୍ପଷ୍ଟ । ତେବେ ଏହି ଯୁବକ ଜଣଙ୍କ ଯାଜପୁରରୁ ବିଂଝାରପୁର ଆଡେ ଯାଉଥିବା ସମୟରେ କଲଭଟ ତଳକୁ ବାଇକ ସହ ପଡ଼ିଯାଇଥିଲେ । ତୁରନ୍ତ ଗୁରୁତର ଯୁବକକୁ ସ୍ଥାନୀୟ ଲୋକ ଉଦ୍ଧାର କରି ଯାଜପୁର ମୁଖ୍ୟ ଚିିତ୍ସାଧିଳୟ ଭର୍ତ୍ତି କରିଥିଲେ । ପରେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ସୂଚନା ଜଣାପଡିଛି ଯେ ଯାଜପୁର ବିଂଝାରପୁର ରାସ୍ତା ସାମ୍ପ୍ରସାରିତ ଯୋଗୁଁ ବିଭିନ୍ନ କଲଭର୍ଟ ନିର୍ମାଣ କରାଯାଇଛି । ରାସ୍ତା ଓ ଗୃହ ନିର୍ମାଣ ବିଭାଗ ଅଧୀନରେ ଏହି ରାସ୍ତା ଓ କଲଭର୍ଟ ନିର୍ମାଣ ହେଉଛି । ବାହାର ଠିକାଦାର ଏହି କାର୍ଯ୍ୟ କରି ଅଧା ମୁକୁଳା କରି ରଖିବା ସହ ରାସ୍ତା ଉପରେ କାର୍ଯ୍ୟ ପାଇଁ କୌଣସି ସୂଚନା ଫଳକ ଲଗାଇ ନଥିବାରୁ ଅଧିକାଂଶ ସମୟରେ ଗାଡି ଚାଳକ ମାନେ ଦୁର୍ଘଟଣାର ସମ୍ମୁଖୀନ ହେଉଛନ୍ତି । ତେଣୁ ବିଭାଗୀୟ କତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି ।
