ପଦ୍ମଶ୍ରୀ ଜିତେନ୍ଦ୍ରୀୟ ହରିପାଲଙ୍କୁ ଭେଟିଲେ ବିଜେଡିର ସମ୍ବଲପୁର ବିଧାୟକ ପ୍ରାର୍ଥୀ ଇଂ. ରୋହିତ ପୂଜାରୀ
1 min read
ପ୍ରସିଦ୍ଧ ରଙ୍ଗବତୀ ଗୀତର କଣ୍ଠଶିଳ୍ପୀ, ବିଶିଷ୍ଟ କଳାକାର ପଦ୍ମଶ୍ରୀ ଜିତେନ୍ଦ୍ରୀୟ ହରିପାଲ ଅସୁସ୍ଥତା ଯୋଗୁଁ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏକଥା ଜାଣିବା ପରେ ଗତକାଲି ଅର୍ଥାତ ମେ ୧୪ ତାରିଖ ସକାଳେ ବିକାଶ ହସ୍ପିଟାଲ ଯାଇ ତାଙ୍କୁ ସାକ୍ଷାତ କରିଛନ୍ତି ବିଜୁ ଜନତା ଦଳର ସମ୍ବଲପୁର ବିଧାୟକ ପ୍ରାର୍ଥୀ ରୋହିତ ପୂଜାରୀ । ପଦ୍ମଶ୍ରୀ ଜିତେନ୍ଦ୍ରୀୟ ହରିପାଲଙ୍କୁ ଭେଟି ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ । ସେ ଶୀଘ୍ର ସୁସ୍ଥ ହୁଅନ୍ତୁ ବୋଲି କାମନା କରିଥିଲେ ।
ସୂଚନା ଅନୁଯାୟୀ ଗତ ସୋମବାର ଦିନ ପଦ୍ମଶ୍ରୀ ଜିତେନ୍ଦ୍ରୀୟ ହରିପାଲ ହଠାତ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଫଳରେ ତାଙ୍କୁ ବିକାଶ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଖବର ପ୍ରଚାରିତ ହେବାପରେ ସାରା ଓଡିଶାରେ ଚହଳ ପଡିଛି । ପଦ୍ମଶ୍ରୀ ଜିତେନ୍ଦ୍ରୀୟ ହରିପାଲ ଜଣେ ବିଶିଷ୍ଟ ଗିତୀକାର , କଣ୍ଠଶିଳ୍ପୀ ଅଟନ୍ତି । ସମ୍ବଲପୁରୀ କଳା ସଂସ୍କୃତିକୁ ବିଶ୍ୱ ଦରବାରରେ ପରିଚିତ କରାଇବାରେ ତାଙ୍କର ପ୍ରମୁଖ ଅବଦାନ ରହିଛି । ସେ ଗାଇଥିବା ଗୀତ ରଙ୍ଗବତୀ ସାରା ବିଶ୍ୱରେ ଶ୍ରୋତାଙ୍କୁ ମୋହିତ କରୁଛି । ତାଙ୍କର ଅସୁସ୍ଥତା ଖବର ସମ୍ବଲପୁରୀ କଳା ଜଗତ ପାଇଁ ଭଲ ଖବର ନୁହେଁ ବୋଲି ରୋହିତ ପୂଜାରୀ କହିଛନ୍ତି । ତେଣୁକରି ବିଭିନ୍ନ ମହଲରେ ତାଙ୍କର ସୁସ୍ଥ ଏବଂ ଦୀର୍ଘାୟୁ ଜୀବନର କାମନା କରାଯାଉଛି । ବର୍ତ୍ତମାନ ତାଙ୍କର ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା କୁହାଯାଉଛି ।
