ନିର୍ବାଚନ ପୂର୍ବରୁ ଘଟିଲା ବଡ଼ ଅଘଟଣ , ଚୋରି ହୋଇଗଲା ଜେପି ନଡ୍ଡାଙ୍କ ପତ୍ନୀଙ୍କ କାର…
1 min read
ନିର୍ବାଚନ ପୂର୍ବରୁ ଘଟିଲା ବଡ଼ ଅଘଟଣ । ଚୋର ନେଇଗଲା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ପତ୍ନୀଙ୍କ କାର୍ । ଏନେଇ ଦିଲ୍ଲୀର ଏକ ଥାନାରେ ମାମଲା ରୁଜୁ ହୋଇଛି । ଥାନାରେ ଏହି ମାମଲା ପହଞ୍ଚିବା ପରେ ପୋଲିସ ଏହି ମାମଲା ଯାଞ୍ଚ ଆରମ୍ଭ କରିଛି । ହେଲେ ଏହାରି ମଧ୍ୟରେ ୬ ଦିନ ବିତିଯାଇଥିଲେ ମଧ୍ୟ କାର୍ ଏବଂ ଚୋରଙ୍କର କୌଣସି ଖୋଜ ଖବର ମିଳିପାରୁ ନାହିଁ । ସର୍ଭିସିଂ ପାଇଁ ଯାଇଥିବା ସମୟରେ ଗାଡି଼ଟି ଚୋରି ହୋଇଯାଇଥିବା ନେଇ ସୂଚନା ରହିଛି ।
ସୂଚନା ଅନୁସାରେ, ଜେ.ପି ନଡ୍ଡାଙ୍କ ପତ୍ନୀ ମଲ୍ଲିକା ନଡ୍ଡାଙ୍କ ଗାଡି଼ ୬ ଦିନ ହେବ ଚୋରି ହୋଇଯାଇଛି । ଏନେଇ ତାଙ୍କ ଡ୍ରାଇଭର ଯୋଗିନ୍ଧର ସିଂ ମାର୍ଚ୍ଚ ୧୯ ତାରିଖରେ ଏକ ମାମଲା ରୁଜୁ କରିଥିଲେ । ଯାହା ପରେ ଏହି ମାମଲାର ଯାଞ୍ଚ ଆରମ୍ଭ କରିଛି ପୋଲିସ । ଗତ ୧୯ ତାରିଖରେ ମଲ୍ଲିକା ନଡ୍ଡାଙ୍କ ଫର୍ଟ୍ୟୁନର କାର୍ ସର୍ଭିସିଂ ପାଇଁ ଯାଇଥିବା ବେଳେ ଚୋରି ହୋଇଯାଇଥିବା ନେଇ ଅଭିଯୋଗ ହୋଇଥିଲା ।ସୂଚନା ଅନୁସାରେ, ଗାଡ଼ିଟି ସର୍ଭିସ୍ ସେଣ୍ଟରରୁ ହିଁ ଚୋରୀ ହୋଯାଇଛି । ସର୍ଭିସିଂ ସେଣ୍ଟରର କର୍ମଚାରୀ ମାନଙ୍କ ପାଖରେ ମଧ୍ୟ ଗାଡ଼ି ବିଷୟରେ କୌଣସି ସୂଚନା ନାହିଁ । ଏହି ଗାଡ଼ିକୁ ଶେଷ ଥର ପାଇଁ ଗୁରୁଗ୍ରାମରେ ଦେଖିବାକୁ ମିଳିଥିଲା , ଯାହାର ସିସିଟିଭି ଫୁଟେଜ୍ ପୋଲିସ ହାତରେ ଲାଗିଛି ।
