ଆଜିଠୁ ମଧ୍ୟପ୍ରଦେଶର ଚାଲିଲା ମୋହନଙ୍କ ରାଜ, ମୁଖ୍ୟମନ୍ତ୍ରୀ ଭାବେ ଗ୍ରହଣ କଲେ ଶପଥ ପାଠ…

ଆଜି ବୁଧବାର ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ମୋହନ ଯାଦବ । ଭୋପାଳର ଲାଲ ପ୍ୟାରେଡ ଗ୍ରାଉଣ୍ଡରେ ବିସ୍ତୃତ ମୋତିଲାଲ ନେହେରୁ ଷ୍ଟାଡିୟମରେ ରାଜ୍ୟପାଳ ମଙ୍ଗୁବାଇ ସି ପଟେଲ ତାଙ୍କୁ ଶପଥ ପାଠ କରାଇଛନ୍ତି । ମୁଖ୍ୟମନ୍ତ୍ରୀଙ୍କ ସମେତ ଦୁଇ ଜଣ ଉପ ମୁଖ୍ୟମନ୍ତ୍ରୀ ମଧ୍ୟ ଶପଥ ଗ୍ରହଣ କରିଛନ୍ତି । ମୋହନ ଯାଦବଙ୍କ ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉପସ୍ଥିତ ରହିଛନ୍ତି । ତାଙ୍କ ସହିତ ଗୃହମନ୍ତ୍ରୀ ଅମିତ ଶାହା, ବିଜେପି ଅଧ୍ୟକ୍ଷ ଜେଡି ନଡ୍ଡା, କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ନୀତିନ ଗଡକରି ପ୍ରମୁଖ ଉପସ୍ଥିତ ରହିଛନ୍ତି । ନଭେମ୍ବର ୧୭ ରେ ଅନୁଷ୍ଠିତ ବିଧାନସଭା ନିର୍ବାଚନରେ ବିଜେପି ମଧ୍ୟପ୍ରଦେଶରେ ମୋଟ ୨୩୦ ସଦସ୍ୟ ବିଶିଷ୍ଟ ବିଧାନସଭା ମଧ୍ୟରୁ ୧୬୩ ଟି ଆସନ ଦାବି କରି ବିଜୟ ହାସଲ କରିଛି । ଏହି ସମୟରେ, କଂଗ୍ରେସ ଦଳ ୬୬ ଟି ସିଟ୍ ସହ ଦ୍ୱିତୀୟ ସ୍ଥାନ ହାସଲ କରି ପଛରେ ପଡିଛି।