ମାଛକୁଣ୍ଡ ଜଲାପୁଟ ଜଳ ଭଣ୍ଡାରରେ ବୁଡିଲା ଡଙ୍ଗା, ୧ ମୃତ ୪ ନିଖୋଜ….
1 min read
କୋରାପୁଟ : କୋରାପୁଟ ଜିଲ୍ଲା ମାଛକୁଣ୍ଡ ଜଲାପୁଟ ଜଳ ଭଣ୍ଡାରରେ ଘଟିଛି ଏକ ଅଘଟଣ ଯାହା ନଦୀରେ ଡଂଗାବୁଡି ଜଣେ ମହିଳାଙ୍କ ମୃତ ହୋଇଥିବା ବେଳେ ୪ ଜଣ ନିଖୋଜ ଥିବା ଜଣାପଡିଛି। ଏନେଇ ନନ୍ଦପୁର ଏସଡିପିଓ ସୂଚନା ଦେଇଛନ୍ତି। ସୂଚନା ଅନୁସାରେ ମାଛକୁଣ୍ଡ ଜଲାପୁଟ ଜଳ ଭଣ୍ଡାରରେ ପାତାଳି ନଦୀ ସିନ୍ଧି ପୁଟ ଘାଟରେ ଏକ ମହିଳାଙ୍କ ଶଵ ଭାସୁଥିବା ଦେଖି ସ୍ଥାନୀୟ ଲୋକେ ନିକଟସ୍ଥ ପାଡୁଆ ଥାନା କୁ ଜଣାଇବା ପରେ ପୋଲିସ ତଦନ୍ତ ପ୍ରକ୍ରିୟା ଆରମ୍ଭ କରିଛି । ସୂଚନା ପାଇ ପୋଲିସ୍ ଓଡ୍ରାଫ୍ ଟିମକୁ ଖବର ଦେବାପରେ ଘଟଣା ସ୍ଥଳରେ ପହଞ୍ଚି ଉଧାର କାର୍ଯ୍ୟ ଜାରୀ ରଖିଛନ୍ତି।
ସୂଚନା ମୁତାବକ ଗତକାଲି ରାତିରେ ଏକ କାର୍ଯ୍ୟକ୍ରମରେ ଯୋଗଦେବା ପରେ ବାଡେଲ ଗ୍ରାମରୁ ତାନାସିଂହ ଗ୍ରାମକୁ ପାଞ୍ଚ ଜଣ ବ୍ୟକ୍ତି ୩ ନାବାଳିକା ଏବଂ ଦୁଇଜଣ ମହିଳା ସମସ୍ତେ ଏକ ସ୍ଥାନୀୟ ଦେଶୀ ଡଙ୍ଗା ମାଧ୍ୟମରେ ନଦୀ ପାର ହୋଇ ନିଜ ଘରକୁ ଫେରୁଥିଲେ। କୌଣସି କାରଣରୁ ଡଂଗାଟି ଜଳ ଭଣ୍ଡାରର ମଧ୍ୟଭାଗରେ ବୁଡ଼ି ଯାଇଥିଲା। ଫଳରେ ଗୋଟିଏ ଶରୀର ଭାସୁଥିବା ବେଳେ ଅନ୍ୟ ଚାରିଜଣ ନିଖୋଜ ଅଛନ୍ତି ବୋଲି ପୋଲିସ ତଦନ୍ତ ରୁ ଜଣାପଡିଛି। ଏନେଇ ନନ୍ଦପୁର ଏସଡିପିଓ ଗଣମାଧ୍ୟମ କୁ ସୂଚନା ଦେଇଛନ୍ତି।
