କମଲା ହାରିସଙ୍କ ନିର୍ବାଚନ ପ୍ରଚାରରେ ବଲିଉଡର ତଡକା; ଭୋଟର୍ସଙ୍କୁ ଆକର୍ଷିତ କରିବା ଲାଗି ‘ନାଚୋ ନାଚୋ’ ଗୀତ

ଆମେରିକାରେ ରାଷ୍ଟ୍ରପତି ନିର୍ବାଚନରେ ତାରିଖ ଯେତିକି ପାଖେଇ ପାଖେଇ ଆସୁଛ, ଏହି ନିର୍ବାଚନ ପ୍ରଚାର ସେତେ କୌତୁହଳପୂର୍ଣ୍ଣ ହୋଇପଡିଛି | ଆମେରିକାର ଉପରାଷ୍ଟ୍ରପତି କମଲା ହାରିସଙ୍କ ଅଭିଯାନ ଦଳ ବହୁତ ସୃଜନଶୀଳ ପ୍ରଚାର ପ୍ରଣାଳୀ ସହିତ ବାହାରକୁ ଆସୁଛନ୍ତି | ପ୍ରତିଦିନ ଏପରି ଭିଡ଼ିଓ ସାମ୍ନାକୁ ଆସୁଛି ଯାହା ଦର୍ଶାଏ ଯେ ସେମନନଙ୍କର ନିର୍ଵାଚନ ପ୍ରଚାର ଆମେରିକାର ପ୍ରତ୍ୟକ ବିଭାଗକୁ ବୁଝେଇବାକୁ ଚେଷ୍ଟା କରୁଛି |

ଏହି ପରିପ୍ରେକ୍ଷୀରେ ଭାରତୀୟ-ଆମେରିକୀୟ ନେତା ଅଜୟ ଭୁଟୋରିଆ ‘ନାଚୋ ନାଚୋ’ ନାମକ ହ୍ୟାରିସଙ୍କ ସମର୍ଥନରେ ଏକ ସ୍ୱତନ୍ତ୍ର ଅଭିଯାନ ଗୀତ ଲଞ୍ଚ କରିଛନ୍ତି। ଏହି ଗୀତଟି ଭାରତୀୟ ବ୍ଳକବଷ୍ଟର ଚଳଚ୍ଚିତ୍ର ‘ଆରଆରଆର’ର ପ୍ରସିଦ୍ଧ ଟ୍ରାକ’ ନାଟୁ ନାଟୁ’ର ପୁନଃ ନିର୍ମାଣ ସଂସ୍କରଣ, ଯେଉଁଥିରେ କମଲା ହାରିସଙ୍କୁ ସମର୍ଥନ କରିବାର ବାର୍ଭା ରହିଛି।

ଏହି କ୍ଲିପ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଭାରତୀୟ ଚଳଚ୍ଚିତ୍ର ଠାରୁ ଆରମ୍ଭ କରି ଆମେରିକାରେ ରହୁଥିବା NRI ଗୁଡ଼ିକର ଗୀତର ସ୍ବାଦ ରହିଛି |

ଏହି ୧.୫ ମିନିଟର ଭିଡିଓରେ, ‘ହାମାରି ୟେ କମଲା ହାରିସ’ର ଗୀତ ସହିତ କମଲା ହାରିସଙ୍କ ଅଭିଯାନର ଝଲକ ଅଛି | ଏହି ଭିଡିଓ ମାଧ୍ୟମରେ ଭାରତୀୟ ସମ୍ପ୍ରଦାୟକୁ ଯୋଡିବା ପାଇଁ ଏକ ପ୍ରୟାସ କରାଯାଉଛି। ତେବେ ଭୁଟୋରିଆ, ଯିଏ ରାଷ୍ଟ୍ରପତିଙ୍କ ପାଇଁ ହାରିସ ଜାତୀୟ ଅର୍ଥ କମିଟିର ସଦସ୍ୟ ଅଟନ୍ତି | ଏହି ଗୀତ ମାଧ୍ୟମରେ ସେ ପ୍ରାୟ ୫0 ଲକ୍ଷ ଦକ୍ଷିଣ ଏସୀୟ ଭୋଟରଙ୍କୁ ଶକ୍ତି ପ୍ରଦାନ କରିବାର ଲକ୍ଷ୍ୟ ସ୍ଥିର କରିଛନ୍ତି। ବିଶେଷକରି ମିଚିଗାନ, ପେନସିଲଭାନିଆ, ୱିସ୍କୋସିନ, ଜର୍ଜିଆ, ନେଭାଡା ଏବଂ ଆରିଜୋନା ଭଳି ଗୁରୁତ୍ବପୂର୍ଣ୍ଣ ରାଜ୍ୟରେ ଏହାକୁ ଜୋରଦାର ପ୍ରୋତ୍ସାହନ ଦିଆଯାଉଛି |

କମଲା ହାରିସଙ୍କ ଭାରତୀୟ ଉତ୍ପରି ଏବଂ ବଲିଉଡ ସଂଯୋଗକୁ ଦର୍ଶାଇ ଏହି ଅଭିଯାନ ଗୀତ ଭୋଟରଙ୍କୁ ଏକ ଭାବପ୍ରବଣ ସଂଯୋଗ ସହିତ ଯୋଡିବାକୁ ଏକ ପ୍ରୟାସ | ଏହି ସଙ୍ଗୀତକୁ ଦକ୍ଷିଣ ଏସୀୟ ସମ୍ପ୍ରଦାୟର ସମର୍ଥନ ହାସଲ କରିବା ପାଇଁ ହାରିସ ନିର୍ବାଚନ ପ୍ରଚାର ରଣନୀତିର ଏକ ଅଂଶ ଭାବରେ ବିବେଚନା କରାଯାଉଛି। ବର୍ତ୍ତମାନ 2024 ନିର୍ବାଚନରେ ‘ନାଚୋ ନାଚୋ’ ଗୀତର ଯାଦୁ କେତେ ପ୍ରଭାବ ପକାଇବ ତାହା ଦେଖିବାକୁ କୌତୁହଳପ୍ରଦ ହେବ!

ଚଳିତ ବର୍ଷ ନଭେମ୍ବର ୫ ରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ। ଏହି ନିର୍ବାଚନରେ ୧୬ କୋଟି ପଞ୍ଜୀକୃତ ଭୋଟର ଆମେରିକାର ୬0ତମ ରାଷ୍ଟ୍ରପତି ଚୟନ କରିବେ। ବିଶ୍ୱର ସୁପର ପାୱାର ଆମେରିକାର ପରବର୍ତ୍ତୀ ସର୍ବୋଚ୍ଚ ନେତା କିଏ ହେବେ ତାହା ସମଗ୍ର ବିଶ୍ବର ଆଖି |