ଫିଲ୍ମ ପ୍ରଡ୍ୟୁସରଙ୍କ ପରକିୟା ପ୍ରୀତି : ପ୍ରେମିକା ସହ ଧରା ପଡିବା ପରେ ସ୍ତ୍ରୀ ଉପରେ ଚଢାଇ ଦେଲେ କାର୍
1 min read
ନୂଆଦିଲ୍ଲୀ : ସିସିଟିଭିରେ କଏଦ୍ ହେଲା ଫିଲ୍ମ ପ୍ରଡ୍ୟୁସରଙ୍କ କଳାକାରନାମା । ଏବେ ସୋସିଆଲ ମିଡିଆରେ ନିଆଁ ଭଳି ବ୍ୟାପିଯାଇଛି ଏହି ଭିଡିଓ । ଯାହା ଆପଣମାନେ ନିଜ ଆଖିରେ ନଦେଖିଲେ ବିଶ୍ୱାସ କରିବେ ନାହିଁ । ଆମେ ସାଧାରଣତ ଅନେକଥର ସେଲିବ୍ରେଟିମାନଙ୍କର କିଛି ବ୍ୟକ୍ତିଗତ ଘଟଣାକୁ ସାମ୍ନାକୁ କରିଥାଉ । ଯାହା ଆମେମାନେ ଏତେ ଶୀଘ୍ର ବିଶ୍ୱାସ କରିପାରୁ ନାହିଁ । ଏବେ ଆପଣମାନେ ନିଜ ଆଖିରେ ଦେଖିଲେ ହିଁ ଏହାକୁ ବିଶ୍ୱାସ କରିବେ ।
ଜଣାଶୁଣା ଫିଲ୍ମ ନିର୍ଦ୍ଦେଶକ କମଲ କିଶୋର ମିଶ୍ରଙ୍କ ପରକିୟା ପ୍ରୀତି ଧରାପଡିବା ପରେ ଏଭଳି ଜଘନ୍ୟ ଅପରାଧ ଘଟାଇଛନ୍ତି ସେ । ଯାହ ବର୍ତ୍ତ ମାନ ମାୟାନଗରୀ ମୁମ୍ବାଇରେ ଏକ ଚାଞ୍ଚଲ୍ୟକର ଘଟଣା ପାଲଟିଯାଇଛି । ଗାର୍ଲଫ୍ରେଣ୍ଡ ସହ କାର ଭିତରେ ପ୍ରଡ୍ୟୁସରଙ୍କ ଦେଖିଦେଇଥିଲେ ପତ୍ନୀ । ଏହାପରେ ସେଠାକୁ ଯାଇ ପତ୍ନୀ କାରର ଡୋର ବାଡେଇବାରୁ ।ପ୍ରଡ୍ୟୁସର ଡୋର ନଖୋଲି ଓଲଟା ପତ୍ନୀଙ୍କ ଉପରେ କାର ଚଢାଇଦେଇଥିଲେ ।
ପ୍ରଡ୍ୟୁସରଙ୍କ ପତ୍ନୀ କରିଥିବା ଅଭିଯୋଗ ଅନୁ୍ଯାୟୀ , ଅକ୍ଟୋବର ୧୯ ତାରିଖ ରାତିରେ ପ୍ରଡ୍ୟୁସର କିଶୋର କମଲଙ୍କୁ ତାଙ୍କ ସ୍ତ୍ରୀ ଅନ୍ୟ ଜଣେ ମହିଳାଙ୍କ ସହ କାର ଭିତରେ ରୋମାଣ୍ଟିକ ମୁଡରେ ଦେଖିଥିଲେ। କାରର କାଚ ବାଡେଇବା ସହ ତାଙ୍କ ସହ କଥା ହେଉଥିବା ବେଳେ ପ୍ରଡ୍ୟୁସର କିଶୋର ମିଶ୍ରା ହଠାତ୍ ଜୋରରେ କାର ଷ୍ଟାର୍ଟ କରିବା ସହ ତାଙ୍କୁ ଧକ୍କା ଦେଇଥିଲେ। କେବେଳ ଏତିକି ନୁହେଁ ତାଙ୍କ ଉପରେ କାର ଚଢାଇ ଦେଇଥିଲେ।
ମୁମ୍ବାଇ ଅନ୍ଧେରୀ ସ୍ଥିତ ପଶ୍ଚିମ ଇଲାକାରେ ଏହି ଘଟଣା ଘଟିଛି। ଏହି ଘଟଣାର ପୂରା ଭିଡିଓ ମଧ୍ୟ ସିସିଟିଭିରେ କଏଦ୍ ହୋଇଛି। କୌଣସି ସୂତ୍ରରୁ ଜାଣାପଡିବା ପରେ ଗୁରୁତର ଅବସ୍ଥାରେ ପ୍ରଡ୍ୟୁସରଙ୍କ ସ୍ତ୍ରୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ଗୋଡ ଫ୍ୟାକର୍ ହେବା ସହ ତାଙ୍କର ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି।
ଅମ୍ବୋଲି ଥାନା ଅଧିକାରୀଙ୍କ ମୁତାବକ, ଫିଲ୍ମ ପ୍ରଡ୍ୟୁସରଙ୍କ ପତ୍ନୀ ତାଙ୍କ ସ୍ୱାମୀଙ୍କ ବିରୋଧରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପ୍ରଡ୍ୟୁସରଙ୍କ ବିରୋଧରେ ମାମଲା ରୁଜୁ କରି ପୁଲିସ ତଦନ୍ତ ଜାରି ରଖିଛି।
