ପ୍ରଚାର ମୈଦାନରେ ବଲିଉଡ ଷ୍ଟାର ,ଦୀପାଳିଙ୍କ ପାଇଁ କଲେ ଭୋଟ ଭିକ୍ଷା..
1 min read
ଓଡ଼ିଶାରେ ସରିଛି ପ୍ରଥମ ପର୍ଯ୍ୟାୟ ନିର୍ବାଚନ । ଏବେ ବାକିଥିବା ପର୍ଯ୍ୟାୟ ପାଇଁ ନେତା ମାନେ କରୁଛନ୍ତି ଜୋରଦାର ପ୍ରଚାର । ଏଥିପାଇଁ ବିଭିନ୍ନ ଦଳ ପକ୍ଷରୁ ଜମୁଛି ପ୍ରଚାର। ତେବେ ଏହା ମଧ୍ୟରେ ଝାରସୁଗୁଡ଼ାରେ ଦେଖିବାକୁ ମିଳିଛି ବଲିଉଡ ତାରକାଙ୍କ ପ୍ରଚାର। ବିଜେଡି ବିଧାୟିକା ପ୍ରାର୍ଥିନୀ ଦୀପାଳି ଦାସଙ୍କ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ବଲିଉଡ ଅଭିନେତା ନିଲ ନିତିନ ମୁକେଶ ଓ ଅଭିନେତ୍ରୀ ଭାଗ୍ୟଶ୍ରୀ । ମଙ୍ଗଳବାର ଏଚ୍ କଟାପାଲିଠାରେ ଏକ ସାଧାରଣ ସଭା ହୋଇଥିଲା । ଏହାପରେ ଝାରସୁଗୁଡ଼ା ସହର ସ୍ଥିତ ମନମୋହନ ସ୍କୁଲ ପଡ଼ିଆରୁ ବିଟିଏମ ପର୍ଯ୍ୟନ୍ତ ବଲିଉଡ ଅଭିନେତା ନିଲ ନୀତିନ ମୁକେଶ ଓ ଅଭିନେତ୍ରୀ ଭାଗ୍ୟଶ୍ରୀ ରୋଡ ଶୋ’ କରିଥିଲେ। ଉଭୟ ଝାରସୁଗୁଡ଼ା ବିଧାନସଭା ବିଜୁ ଜନତା ଦଳର ପାର୍ଥିନୀ ଦିପାଳୀ ଦାସଙ୍କ ପାଇଁ ପ୍ରଚାର କରିଛନ୍ତି ।
ବିଜୁ ଜନତା ଦଳ ତରଫରୁ ପଞ୍ଚାୟତମାନଙ୍କର ସର୍ବାଙ୍ଗୀନ ବିକାଶ ନେଇଥିବା ପଦକ୍ଷେପ ସମ୍ବନ୍ଧରେ କହି ଭୋଟ ମାଗିଥିଲେ ଦୀପାଳି । ସେହିଭଳି ବଲିଉଡ ସିନେ ତାରକା ଭାଗ୍ୟଶ୍ରୀ ଓ ନିଲ ନୀତିନ ମୁକେଶ ଝାରସୁଗୁଡ଼ା ସହରବାସୀ ଓ କଟାପାଲି ଭୋଟରଙ୍କୁ ବିଜୁ ଜନତା ଦଳର ଶଙ୍ଖ ଚିହ୍ନରେ ଭୋଟ ଦେବାକୁ ଅପିଲ କରିଥିଲେ। ଝାରସୁଗୁଡ଼ା ବିଧାନସଭା ପ୍ରାର୍ଥିନୀ ଦୀପାଳି ଦାସ ଏବଂ ଲୋକସଭା ପ୍ରାର୍ଥିନୀ ପରିଣୀତା ମିଶ୍ରଙ୍କୁ ଭୋଟ ଦେଇ ପୁଣିଥରେ ନବୀନ ପଟ୍ଟନାୟକଙ୍କ ହାତମୁଠାକୁ ଟାଣ କରିବା ପାଇଁ କହିଛନ୍ତି।
