କାବୁଲରେ ଆତଙ୍କବାଦୀ ବିସ୍ପୋରଣ : ଘଟଣା ସ୍ଥଳରେ ୮ ମୃତ,୨୦ ଗୁରୁତର ଆହତ
1 min read
ନୂଆଦିଲ୍ଲୀ : ଆଫ୍ଗାନିସ୍ଥାନ ରାଜଧାନୀ କାବୁଲରେ ଗତକାଲି ଏକ ଆଖିଥରା ଦୃଶ୍ୟ ସାମ୍ନାକୁ ଆସିଛି । ଯାହାର ଭିଡିଓ ସାରା ସୋସିଆଲ ମିଡିଆରେ ଘୂରିବୁଲିବା ସହ ଲୋକଙ୍କ ମନରେ ଭୟର ବାତାବରଣ ଦେଖାଦେଇଛି । ଗତକାଲି କାବୁଲର ଜନଗହଳି ପୂର୍ଣ୍ଣ ଆବାସିକ ସ୍ଥାନରେ ଏକ ଭୟଙ୍କର ବିସ୍ପୋରଣ ହୋଇଛି । ସୂଚନା ଅନୁଯାୟୀ ଏକ ମସଜିଦ୍ ନିକଟରେ ଥୁଆ ହୋଇଥିବା କାର୍ରୁ ବିସ୍ପୋରଣ ହୋଇଥିଲା । ତେବେ ସେହି ବିସ୍ପୋରଣରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ,୨୦ ରୁ ଉର୍ଦ୍ଧ ଆହତ ହୋଇଥିବା ଜଣାପଡିଛି । ମୃତଙ୍କଙ୍କ ମଧ୍ୟରେ ଜଣେ ୩ ବର୍ଷର ଶିଶୁ ଥିବା ଜଣାପଡିଛି ।ସେହିପରି ଗୁରୁତରଙ୍କ ମଧ୍ୟରେ ଅନେକ ମହିଳା ଓ ଶିଶୁ ଥିବା କୁହାଯାଉଛି ।
ସୂଚନା ପାଇ କାବୁଲ ପୋଲିସ ଟିମ୍ ଦୁର୍ଘଟଣା ସ୍ଥଳରେ ପହଞ୍ଚି ଗୁରୁତର ମାନଙ୍କୁ ଚିକିତ୍ସାଳୟରେ ଭର୍ତ୍ତି କରାଇଛି । ଗୁରୁତର ମାନଙ୍କ ଅବସ୍ଥା ସୋଚନିୟ ଥିବାରୁ ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ତେବେ ବିସ୍ପୋରଣରେ ନିଜକୁ ଦାୟୀ କରିଛି ଇସଲାମିକ୍ ଷ୍ଟେଟ ସଙ୍ଗଠନ(ଆଇଏସ୍) । ଗତବର୍ଷ ତାଲିବାନ କ୍ଷମାତାକୁ ଆସିବା ପରେ ତାର ଉଗ୍ରରୂପ ବଢିବାରେ ଲାଗଥିଲା । ଏହାପରେ ସେ ଆଫଗାନିସ୍ତାନରେ ଗତ କିଛି ଦିନ ମଧ୍ୟରେ ବହୁ ଆକ୍ରମଣ କରିସାରିଲାଣି । ଏକ ବଡ ବିପଦ ରୂପେ ଆଫଗାନ ସମ୍ମୁଖରେ ଆସି ଠିଆ ହୋଇଛି ଏହି ସଙ୍ଗଠନ ।
