ମହିଳା କର୍ମଚାରୀଙ୍କୁ ଡାଏମଣ୍ଡ ନେକଲେସ୍ ଦେଲେ ଦୀପାବଳି ଉପହାର..
1 min read
ଆଲୋକର ପର୍ବ ଦୀପାବଳି ପାଳୁଛନ୍ତି ଦେଶବାସୀ । ଏହି ପର୍ବକୁ ପାଳନ କରିବା ପାଇଁ ବଡ କମ୍ପାନୀ ତାଙ୍କ କର୍ମଚାରୀଙ୍କୁ ବୋନସ, ଭଲିକି ଭଳି ଗିଫ୍ଟ ଦେଇଥାନ୍ତି । କିଛି କମ୍ପାନୀ ତାଙ୍କ କର୍ମଚାରୀଙ୍କୁ ମିଠା ଦାମୀ ଉପହାର ମଧ୍ୟ ଦେଇଥାନ୍ତି । ଜାଣି ଆଶ୍ଚର୍ଯ୍ୟ ହେବେ ଅଫିସ୍ ମହିଳା (ବସ୍) ତାଙ୍କ ଷ୍ଟାଫ ଓ ସହକର୍ମୀଙ୍କୁ ଦୀପାବଳି ଗିଫ୍ଟ ଆକାରରେ ଦେଇଛନ୍ତି ହୀରାର ଲକେଟ୍ ଏବଂ ଚେନ୍ ଉପହାର । ଯାହାର ମୂଲ୍ୟ ବେଶ ଅଧିକ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।ଏହି ଭିଡିଓ ଭାଇରାଲ ପରେ ସୋସିଆଲ ମିଡିଆରେ ଏହାକୁ ବହୁତ ପ୍ରଶଂସା କରାଯାଉଛି ।ଭିଡିଓରେ ଅନେକ ମହିଳା କର୍ମଚାରୀ ନଜର ଆସିଛନ୍ତି।ସେମାନଙ୍କ ବସ୍ ସେମାନଙ୍କୁ ଆଖି ବନ୍ଦ କରିବାକୁ କୁହନ୍ତି। କେହି ଚିଟିଂ କରିବେ ନାହିଁ । ତା’ପରେ କର୍ମଚାରୀ ଆଖି ବନ୍ଦ କରି ଦିଅନ୍ତି ।
ବସ୍ ସମସ୍ତଙ୍କ ହାତରେ ଉପହାର ରଖନ୍ତି ଏବଂ କୁହନ୍ତି ଯେ ବର୍ତ୍ତମାନ କେହି ଆଖି ଖୋଲିବେ ନାହିଁ ।ବସ୍ ବାରମ୍ବାର କୁହନ୍ତି ଯେ ଚାପରେ କେହି ଆଖି ଖୋଲିବା ଉଚିତ୍ ନୁହେଁ ।ଯେତେବେଳେ କହିବି, ସମସ୍ତେ ଏକାଠି ଆଖି ଖୋଲିବ। ବସ୍ କୁହନ୍ତି ଯଦି ତୁମେ ଏବେ ଆଖି ଖୋଲିବ ତାହାଲେ ଏହା ମଜା ହେବ ନାହିଁ । ଯେତେବେଳେ କର୍ମଚାରୀ ଆଖି ଖୋଲନ୍ତି, ସେତେବେଳେ ଉପହାରକୁ ଦେଖନ୍ତି। ତାଙ୍କ ହାତରେ ଅଳଙ୍କାର ବାକ୍ସ ରହିଥାଏ। ବସ୍ କୁହନ୍ତି ଆମେ ଆପଣଙ୍କ ପାଇଁ ହୀରା ଲକେଟ୍ ଏବଂ ଚେନ୍ ତିଆରି କରିଛୁ । ତା’ପରେ ଗୋଟିଏ ପରେ ଗୋଟିଏ କର୍ମଚାରୀ ଆସି ବସ୍ କୁ ଆଲିଙ୍ଗନ କରିଛନ୍ତି ।ଏହି ଭିଡିଓ X ରେ ପୋଷ୍ଟ କରାଯାଇଛି । ଏଥିରେ ମାଲିକଙ୍କ ପରିଚୟ ଏବଂ କମ୍ପାନୀର ନାମ ଜଣା ପଡିନାହିଁ ।
