ଘର ଭିତରକୁ ପଶିଗଲା କାର୍, ଶୋଇଥିବା ଅବସ୍ଥା ରେ ମହିଳା ମୃତ

ବୌଦ୍ଧ : ବୌଦ୍ଧ ରାଧାନଗର ଗାଁ ରେ ରାତି ଅଧରେ ଘର ଭିତରକୁ ପଶିଲା ଇନୋଭା କାର। ଘରେ ଶୋଇଥିବା ମହିଳାଙ୍କ ଉପରକୁ ମାଡ଼ିଗୋଲ କାର । ଘଟଣା ସ୍ଥଳରେ ମହିଳାଙ୍କ ମୃତ ହୋଇଥିବା ସୂଚନା ମିଳିଛି । ମୃତ ମହିଳା ଜଣକ ହେଲେ ରାଧାନଗର ଗାଁ ରେ ପାଣେଶ୍ବରୀ ଧଳ ।

ସୂଚନାଯୋଗ୍ୟ ଯେ ଗତକାଲି ବିଳମ୍ବିତ ରାତିରେ ଇନୋଭା କାରଟି ଚାରିଛକ ପଟୁ ବୌଦ୍ଧ ଆଡକୁ ଆସୁଥିବା ବେଳେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା । କାରଟି ରାସ୍ତା ପାଶ୍ୱର୍ରେ ଥିବା ଏକ ଚାଳଛପର ଘର ଉପରପଟୁ ପଶି ଓଲଟି ପଡିଥିଲା । ଦୁର୍ଘଟଣାରେ ଘର ମଧ୍ୟରେ ଥିବା ମହିଳାଙ୍କ ଉପରେ ମାଡ଼ି ଯାଇଥିଲା କାର ଫଳରେ ଘଟଣା ସ୍ଥଳରେ ହିଁ ମହିଳାଙ୍କ ମୃତ୍ୟୁ ହୋଇଯାଇଥିଲା । ଘଟଣା ସ୍ଥଳରୁ ଡ୍ରାଇଭର ଚମ୍ପଟ ମାରିଥିବା ସୂଚନା ମିଳିଛି ।

Advertisement

କ୍ଷତିପୂରଣ ଦାବି ନେଇ ଉତ୍ୟକ୍ତ ଲୋକେ ଖୋର୍ଦ୍ଧା ବାଲାଙ୍ଗୀର ୫୭ତମ ଜାତୀୟ ରାଜପଥ ଅବରୋଧ କରିଛନ୍ତି । ଉଭୟ ପାର୍ଶ୍ୱରେ ଅଟକି ରହିଛି ଶହ ଶହ ଗାଡ଼ି ମଟର । ଘଟଣା ସ୍ଥଳରେ ବୌଦ୍ଧ ପୋଲିସ ପହଁଛି ଅଧିକ ତଦନ୍ତ ଜାରି କରିଛି।