ହିରୋ ବନିଲେ ପ୍ରେମିକ : କାହାଣୀକୁ କଲେ ସତ , ଦୁଷ୍କର୍ମକାରୀ କବଳରୁ ପ୍ରେମିକାକୁ ଏଭଳି ବଞ୍ଚାଇଲେ ପ୍ରେମିକ ..
1 min read
ନୂଆଦିଲ୍ଲୀ : ନିକଟରେ ଏଭଳି ଏକ ଘଟଣା ସାମ୍ନାକୁ ଆସିଛି ଯାହା ଅପଣଙ୍କୁ ଆଶ୍ଚର୍ଯ୍ୟ କରିଦେବ । କାରଣ ଏଭଳି କିଛି ଘଟଣା ଆମେ କେବଳ ଫିଲ୍ମ ଆଉ ଟିଭି ସିରିଏଲ ହିଁ ଦେଖିଥାଉ । ଯେତେବେଳେ ହିରୋଇନ କୌଣସି ଗୁଣ୍ଡା ବା ବଦମାସ ହାବୁଡରେ ପଡିଥାଏ ତାକୁ ହିରୋ ହିଁ ଆସି ବଞ୍ଚାଏ । ଆଜ୍ଞା ହଁଆପଣମାନଙ୍କୁ କାହାଣୀ ଲାଗୁଥାଇପାରେ କିନ୍ତୁ ବାସ୍ତବରେ ଏଭଳି ଏକ ଘଟଣା ଆମେରିକାର ଫ୍ଲୋରିଡା ସହରରେ ଘଟିଛିା
ଜଣେ ଯୁବତୀଙ୍କୁ ବନ୍ଧୁକ ମୁନରେ ଆକ୍ରମଣକାରୀ ଉଠାଇ ନେଇ ଦୁଷ୍କର୍ମ ଉଦ୍ୟମ କରିଥିଲେ ଦୁର୍ବୁତ । ବନ୍ଧୁକ ଦେଖାଇ ଦୁଷ୍କର୍ମ କରୁଥିବା ଦୁଷ୍କର୍ମକାରୀଙ୍କୁ ପୀଡିତା ଗୁହାରି କରି କହିଥିଲେ, ‘ଦୟାକରି ମୋତେ ଦୁଷ୍କର୍ମ କର ନାହିଁ। ତା’ବଦଳରେ ଗୁଳି କରି ଜୀବନରୁ ମାରିଦିଅ। ଯୁବତୀ ତାଙ୍କ ପ୍ରେମିକ ସହିତ ଏକ ପାର୍କକୁ ବୁଲିବାକୁ ଯାଇଥିଲେ। ଏହି ସମୟରେ ଜଣେ ବ୍ୟକ୍ତି ଘଟଣାସ୍ଥଳରେ ପହଞ୍ଚି ଯୁବତୀଙ୍କ ପ୍ରେମିକଙ୍କୁ ମାଡ଼ ମାରିବା ସହିତ ଯୁବତୀଙ୍କୁ ବନ୍ଧୁକ ମୁନରେ ଜଙ୍ଗଲ ଭିତରକୁ ଉଠାଇ ନେଇଥିଲେ। ଆଉ ସେଠାରେ ତାଙ୍କୁ ଭୟଭୀତ କରି ଦୁଷ୍କର୍ମ କରିବାକୁ ଉଦ୍ୟମ କରିଥିଲେ ।
ଏହି ସମୟରେ ଯୁବତୀଜଣଙ୍କ ଜୋର ଜୋରରେ ଚିତ୍କାର ମଧୟ କରିଥିଲେ । କିନ୍ତୁ ଠିକ୍ ସମୟରେ ଯୁବତୀଙ୍କ ପ୍ରେମିକ ଜଣଙ୍କ କିଛି ଲୋକଙ୍କୁ ସାଙ୍ଗରେ ନେଇ ବିଜୁଳି ଗତିରେ ସେଠାରେ ପହଞ୍ଚିଯାଇଥିଲେ । ଆଉ ଏତେ ଲୋକଙ୍କୁ ଏକାଠି ଦେଖି ଦୁଷ୍କର୍ମକାରୀ ଘଟଣାସ୍ଥଳରୁ ଚମ୍ପଟ ମାରିଥିଲେ। ପ୍ରେମିକ ତାଙ୍କ ପ୍ରେମିକାଙ୍କୁ ଜଙ୍ଗଲରୁ ଉଦ୍ଧାର କରି ପୁଲିସ ଷ୍ଟେସନରେ ପହଞ୍ଚି ଦୁଷ୍କର୍ମ ଉଦ୍ୟମ କରୁଥିବା ଉକ୍ତ ବ୍ୟକ୍ତିଙ୍କ ବିରୋଧରେ ଅଭିଯୋଗ କରିଥିଲେ। ଏହି ଅଭିଯୋଗକୁ କେନ୍ଦ୍ର କରି ପୁଲିସ ଘଟଣାରେ ସମ୍ପୃକ୍ତ ଥିବା ବ୍ୟକ୍ତିଙ୍କୁ ଗିରଫ କରି ତଦନ୍ତ ଆରମ୍ଭ କରିଥିଲା।
