ବିବାଦରେ ଶାହରୁଖ୍ଙ୍କ ଫିଲ୍ମ ପଠାନ୍ : ଟ୍ୱିଟରରେ ବୟକଟ୍ ଟ୍ରେଣ୍ଡ ସହ , ବଲିଉଡ୍କୁ ମିଳିଲା ଏପରି ଧମକ୍ !
1 min read
ନୂଆଦିଲ୍ଲୀ : ବଲିଉଡ୍କୁ ଡରାଉଛି ବୟକଟ୍ ଟ୍ରେଣ୍ଡ । ପ୍ରଥମେ ଅମୀର ଏବଂ କରିନାଙ୍କ ଲାଲ୍ ସିଂ ଚଡ୍ଡା ବୟକଟ୍ ପରେ ଏବେ ଶାହରୁଖ୍ଙ୍କ ପଠାନକୁ ନେଇ ବଏକଟ୍ ଚର୍ଚ୍ଚା ଜୋର ଧରିଛି । ଗୋଟେ ପଟେ ଫିଲ୍ମ ହିଟ୍ ହେବାକୁ ନେଇ ଶାହରୁଖ୍ ମଧ୍ୟରାତ୍ରରେ ବୈଷ୍ଣଦେବୀ ସହ ଅନ୍ୟାନ ମନ୍ଦିର ଦର୍ଶନ କରୁଥିବା ବେଳେ । ଟ୍ୱିଟରରେ ଆରମ୍ଭ ହୋଇଯାଇଛି #BoycottPathaan ଟ୍ରେଣ୍ଡ।
ୟୁଜର୍ସମାନେ ବିଭିନ୍ନ ଦିଗକୁ ନେଇ ପଠାନ୍ ନିର୍ମାତ୍ାଙ୍କ ସହ ଶାହରୁଖ୍ ଏବ ଦୀପିକାଙ୍କୁ ମଧ୍ୟ ପ୍ରଶ୍ନ କରିଛନ୍ତି । ଡିସେମ୍ବର ୧୨ ରେ ପଠାନ୍ ର ପ୍ରଥମ ଗୀତ ରିଲିଜ୍ ହେବା ପରେ ବୟକଟ୍ ଟ୍ରେଣ୍ଡଟି ଜୋର ଧରିଛି । ପଠାନ୍ର ପ୍ରଥମ ଗୀତ ବେସରମରେ ଦୀପିକାଙ୍କ ଆଉଟ୍ଫିଟ୍ ସହ ସିନ୍କୁ ମଧ୍ୟ ନାପସନ୍ଦ କରିଛନ୍ତି ଦର୍ଶକ । ଗୀତଟିର ସିନ୍ ଗୁଡିକ ଅତ୍ୟନ୍ତ ଅଶ୍ଳାଳୀନ ଦର୍ଶାଇ ଦୀପିକାଙ୍କୁ ଟ୍ରୋଲ କରିଛନ୍ତି ୟୁଜର୍ସ ।
ସେହିଭଳି ଅନେକ ୟୁଜର୍ସ ଅଛନ୍ତି ଯେଉଁମାନେ ଦୀପିକା ପାଦୁକୋନଙ୍କ ବିକିନି ଲୁକ୍ ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି। ଜଣେ ୟୁଜର ଲେଖିଛନ୍ତି- ‘ବେସରମ ରଙ୍ଗ ପାରିବାରିକ ସିନେମା ନୁହେଁ। ମାନି ନିଅନ୍ତୁ ଯେ ହଲକା ଖାନ୍ କେ ଚାମଚା ପ୍ରଥମ ସପ୍ତାହରେ ସିନେମା ଘରକୁ ଯିବେ। କିନ୍ତୁ ଦ୍ୱିତୀୟ ସପ୍ତାହରେ ‘ପଠାନ’କୁ କିଏ ରକ୍ଷା କରିବ?
ଏହାସହ ଜଣେ ୟୁଜର୍ସ ସୋସିଆଲ ମିଡିଆରେ ଶାହରୁଖଙ୍କ ପୁରୁଣା ଗୀତକୁ ସେୟର କରି ଲେଖିଛନ୍ତି ଯେ ‘ଆମେ କିଙ୍ଗଖାନଙ୍କ ଠୁ ଏସବୁ ଆଶା କରୁନଥିଲୁ’ । ଅନ୍ୟଜଣେ ୟୁଜର୍ସ ‘ଆମୀରଙ୍କ ଫଟୋ ସହ ଶାହରୁଖଙ୍କ ଫଟୋକୁ ଯୋଡି କ୍ୟାପସନ ଦେଇ ପୋଷ୍ଟ କରିଛନ୍ତି ଯେ । ଜଣଙ୍କର ଗର୍ବ ଭାଙ୍ଗିଲା ଏବେ ଅନ୍ୟ ଜଣଙ୍କ ପାଳି’ । ସାରା ବଲିଉଡ୍ ପ୍ରସ୍ତୁତ ରୁହ ! ସୋସିଆଲ ମିଡିଆରେ ପଠାନ୍କୁ ନେଇ ଏପରି ବିବାଦିୟ କମେଣ୍ଟ ଦେଖିବାକୁ ମିଳିଛି । ଗୋଟେ ପଟେ ସାଉଥ୍ ମୁଭି ଲୋକମାନଙ୍କ ମନକୁ ଜିଣୁଥିବା ବେଳେ , ଅନ୍ୟପଟେ ବଲିଉଡ୍ ନିଜ ସ୍ଥାନରୁ ତଳକୁ ତଳକୁ ଖସିବାରେ ଲାଗୁଛି । ସାଉଥର ଫିଲ୍ମ ସହ ଗୀତ , କଳାକାରମାନଙ୍କ ଅଭିନୟକୁ ଗୋଟେ ପଟେ ପ୍ରଶଂସା ମିଳୁଥିବା ବେଳେ , ବଲିଉଡ୍ ନିଜର ସ୍ଥାନ ହରାଇବସିଛି ।
ସେହିପରି ସାଉଥ୍ର ଆରଆରଆର,କେଜିଏଫ୍-୨,କାନ୍ଥାରା ,ଚୁପ୍,ସୀତାରାମମ୍ ଭଳି ଫିଲ୍ମ ବକ୍ସ ଅଫିସ୍ରେ ହାଏଷ୍ଟ ଇନକମ୍ ସହ ୱାଲଡ୍ ୱାଇଡ୍ ହିଟ୍ ହୋଇଥିବା ବେଳେ ବଲିଉଡ୍ର ଲାଲ୍ ସିଂ ଚଡ୍ଡା , ବିକ୍ରମବେଦା,ଜୁଗ୍ ଜୁଗ୍ ଜିୟୋ,ଭେଡିଆ ଏବଂ ଦୃଶ୍ୟମ-୨ ଭଳି ଫିଲ୍ମ ଫଲ୍ପ ହୋଇଚାଲିଛି ।
