ପ୍ରେମ ବ୍ୟପାରକୁ କେନ୍ଦ୍ରକରି ଭିନ୍ନକ୍ଷମ ନାବାଳିକାକୁ ଜଙ୍ଗଲରେ ନିର୍ଯାତନା : ପାଟିରେ ସିଗାରେଟ୍ ପୁରାଇ ଟଣାଇଲେ ତାପରେ ..
1 min read
ବ୍ରହ୍ମଗିରି : ନିକଟରେ ପୁରୀ ଜିଲ୍ଲାରେ ଘଟିଯାଇଛି ଏଭଳି ଏକ ଅଘଟଣ । ଯାହାର ଭିଡିଓ ବର୍ତ୍ତ ମାନ ଫୋନରୁ ଫୋନକୁ ଡେଇଁବୁଲୁଛି । ପୁଣି ଭିଡିଓ ଭାଇରାଲ କରିଛି ନିଜେ ଦୁବୁର୍ତ୍ତ । ଭିଡିଓଟି ଭାଇରାଲ ହେବାପରେ ପୀଡିତାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହେବା ପରେ ସପୃକ୍ତ ଅଭିଯୁକ୍ତଙ୍କୁ ଗିରଫ୍ କରିଛି କୃଷ୍ଣ ପ୍ରସାଦ ଥାନା ପୋଲିସ ।
ଜଣେ ଭିନ୍ନକ୍ଷମ ନାବାଳିକାଙ୍କୁ (୧୭) ଜଙ୍ଗଲକୁ ଉଠାଇ ନେଇ ନିର୍ଯାତନା ଦେଇଥିଲେ ୨ ଜଣ ଦୁର୍ବୁତ୍ତା ତାଙ୍କ ବେକରୁ ଓଢଣି ଟାଣିନେଇ , ତାଙ୍କୁ ବାଢି ଦେଖାଇ ପ୍ରଥମେ ଧମକାଇଥିଲେ ଏବଂ ଜବରଦସ୍ତି ସିଗାରେଟ୍ ଟଣାଇଥିଲେ । ଏହାପରେ ତାଙ୍କୁ ଉକ୍ତ ବାଢିରେ ପିଟିବା ସହ ଅଶ୍ଲୀଳ ଭାଷାରେ ଗାଳିଗୁଲଜ୍ ମଧ୍ୟ କରିଥିଲେ । ଯାହା ଭାଇରାଲ ହେଉଥିବା ଭିଡିଓରେ ସମ୍ପୂର୍ଣ୍ଣ ଭାବେ ଜଣାପଡୁଛି । ତେବେ ପ୍ରେମ ବେପାରକୁ କେନ୍ଦ୍ର କରି ୨ ଜଣ ଯୋଜନା ବଦ୍ଧଭାବେ ନାବାଳିକାଙ୍କୁ ଏଭଳି ନିର୍ଯ୍ୟାତନା ଦେଉଥିବା ଭାଇରାଲ ଭିଡିଓରେ ଦେଖିବାକୁ ମିଳିଛି । ପୁରୀ ଜିଲ୍ଲା କୃଷ୍ଣ ପ୍ରସାଦ ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା । ତେବେ ପୀଡିତାଙ୍କ ପରିବାରର ଅଭିଯୋଗ ପରେ ୨ ଜଣଙ୍କୁ ଗିରଫ୍ କରିଥିଲା ପୋଲିସ । କିନ୍ତୁ ସେମାନଙ୍କ ମଧ୍ୟରୁ ଜଣଙ୍କ ବୟସ ୧୮ ବର୍ଷରୁ କମ ହୋଇଥିବାରୁ ତାକୁ ଛଡାଯାଇଥିଲା ।
ସୂଚନାଯୋଗ୍ୟ ଯେ ମୁଖ୍ୟ ଅଭିଯୁକ୍ତ ମିଥୁନ ନାବାଳିକା ଜଣଙ୍କୁ ପ୍ରେମ କରୁଥିଲା । ନାବାଳିକା ଜଣଙ୍କ ତାକୁ ଧୋକା ଦେଉଛି ବୋଲି ମିଥୁନକୁ ସନ୍ଦେହ ହୋଇଥିଲା । ଏନେଇ ସେ ସପୃକ୍ତ ନାବାଳକ ସହ ମିଶି ଯୋଜନାବଦ୍ଧ ଭାବେ ପ୍ରେମିକା ନାବାଳିକାକୁ ଉଚିତ୍ଶିକ୍ଷା ଦେବବୋଲି ଭାବିଥିଲା । ଜଙ୍ଗଲକୁ ଜବରଦସ୍ତି ଉଠାଇନେଇ ସେଠାରେ ସିଗାରେଟ୍ ଟଣାଇ ଭିଡିଓ ବନାଇବା ସହ ତାକୁ ଭାଇରାଲ କରିଥିଲା ।
ନାବାଳିକାର ପରିବାର ପକ୍ଷରୁ ଅଭିଯୋଗ ପରେ ପୋଲିସ ଦଫା ୩୪୧,୨୯୪,୩୨୩,୩୫୪,୩୫୪(କ),୫୦୬ , ୫୦୯ ଏବଂ ୩୪ ଆଇପିସି ବଳରେ ମାମଲା ରୁଜ୍ଜୁ କରି ଅଭିଯୁକ୍ତ ମିଥୁନ କୁ ଗିରଫ୍ କରି କୋର୍ଟ ଚାଲାଣ କରିଥିଲା । ଏବଂ ତା ସହଯୋଗୀ ନାବାଳକୁ ଚେତାବନି ଦେଇ ଛାଡିଦେଇଥିଲା । ଏଭଳି ଏକ ଘଟଣା ଲୋକଲୋଚନକୁ ଆସିବାପରେ ସପୃକ୍ତ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।
