ଜମି ବିବାଦକୁ ନେଇ ହତ୍ୟାକାଣ୍ଡ : ସାନ ଭାଇ ଓ ପୁତୁରା ଆକ୍ରମଣରେ ବଡ଼ ଭାଇର ମୃତ୍ୟୁ
1 min read
ନବରଙ୍ଗପୁର : ଜମି ବିବାଦକୁ ନେଇ ହତ୍ୟାକାଣ୍ଡ । ସାନ ଭାଇ ଓ ପୁତୁରାର ମାଡ଼ରେ ବଡ଼ ଭାଇର ମୃତ୍ୟୁ ଅଭିଯୋଗ । ଏଭଳି ଏକ ଅଭାବନୀୟ ଘଟଣା ପାପଡାହାଣ୍ଡି ଥାନା ଅନ୍ତର୍ଗତ ଘାଟଗୁଡା ଗାଁ ରେ ଘଟିଛି। ମୃତକ ହେଲେ ଘାଟଗୁଡା ଗାଁ ର ମଧୁ ବିଶ୍ୱାଳ । ହତ୍ୟାକାରୀ ସାନ ଭାଇ ନରସିଂହ ପାଇକ ଓ ପୁତୁରା ନୀଳକଣ୍ଠ ପାଇକ ବୋଲି ସୂଚନା ମିଳିଛି ।
ତେବେ ଘରୋଇ ଜମି କଳିକୁ ନେଇ ଗତ କିଛି ଦିନ ଧରି ବଡ଼ ଭାଇ ଙ୍କ ସହିତ ସାନ ଭାଇ ର ବିବାଦ ଲାଗି ରହିଥିଲା । ବଡ଼ ଭାଇ ଅଧିକ ଜମି ରଖିଥିବା ନେଇ ସବୁ ବେଳେ ପୁତୁରା ଓ ସାନ ଭାଇ ମଧୁ ବିଶ୍ୱାଳ ଙ୍କ ସହ ଝଗଡା କରୁଥଲେ। ତା -୦୯-୦୭-୨୩ରିଖ ଦିନ ଏହି ଘରୋଇ ବିବାଦ ଉଗ୍ର ରୂପ ନେଇଥିଲା । ଘରେ ଘଟଣାକୁ ନେଇ ବଡ଼ ଭାଇ ମଧୁଙ୍କ ସହିତ ହାତାହାତି ଭଳି ପରିସ୍ଥିତି ଉପୁଜିଥିଲା । ସେହି ସମୟରେ ସାନ ଭାଇ ନରସିଂହ ପାଇକ ଓ ପୁତୁରା ନୀଳକଣ୍ଠ ଠେଲା ପେଲା ହେବା ବେଳେ ମଧୁ ତଳେ ପଡିଯାଇ ତାଙ୍କ ମୁଣ୍ଡ ରେ ଆଘାତ ଲାଗିଥିଲା । ସେ ଗୁରୁତର ହୋଇପଡିଥିଲେ । ଏନେଇ ପାପଡାହାଣ୍ଡି ପୋଲିସ ଖବର ପାଇ ଘଟଣା ସ୍ଥଳ ରେ ପହଞ୍ଚି ତୁରନ୍ତ ଆମ୍ବୁଲାନ୍ସ ଯୋଗେ ମଧୁଙ୍କୁ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ପଠାଇଥିଲା । କିନ୍ତୁ ଡ଼ାକ୍ଟର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ଶବ ଜବତ କରି ବ୍ୟବଚ୍ଛେଦ ପରେ ପରିବାର କୁ ଶବ ହସ୍ତାନ୍ତର କରାଯିବ ବୋଲି ସୂଚନା ମିଳିଛି । ପୋଲିସ କେସ ନମ୍ବର ୧୨୩/୨୩ରୁଜୁ କରି ତଦନ୍ତ ଆରମ୍ଭ କରିଛନ୍ତି । ଏହା ସହ ଘଟଣାରେ ସମୃକ୍ତ ଥିବା ୨ ଅଭିଯୁକ୍ତଙ୍କୁ ଗିରଫ କରି କୋଟ ଚାଲାଣ କରିଛି ପୋଲିସ ।
