ରକ୍ତରେ ଭିଜିଲା ଭାଇର ସର୍ମ୍ପକ : ବଡ ଭାଇକୁ ହାଣିଲା ସାନଭାଇ
1 min read
ପଟ୍ଟାମୁଣ୍ଡାଇ : ରକ୍ତ ନେଇଗଲା ରକ୍ତର ଜୀବନ । ଭାଇ ସାଜିଲା ଭଗାରୀ । ଜମିଜମା କଳହରୁ ବଡ ଭାଇକୁ ହାଣିଲା ସାନଭାଇ । ଏଭଳି ଏକ ହୃଦୟ ବିଦାରକ ଘଟଣା କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଷଣ୍ଢପଲ୍ଲୀ ଗ୍ରମାରେ ଘଟିଛି । ସୂଚନାଯୋଗ୍ୟ ଯେ ପଟ୍ଟାମୁଣ୍ଡାଇ ପୌରାଞ୍ଚଳ ୧ନଂ ୱାର୍ଡ ଷଣ୍ଢପଲ୍ଲୀ ଗ୍ରାମର ବଡ ଭାଇ ଅନୁପମ ବେହେରା ଓ ସାନ ଭାଇ ସନାତନ ବେହେରାଙ୍କ ମଧ୍ୟରେ ଦୀର୍ଘଦିନ ଧରି ତିକ୍ତତା ଦେଖିବାକୁ ମିଳିଥିଲା ।
ତେବେ ମଙ୍ଗରବାର ସକାଳ ଅର୍ଥାତ୍ ଆଜି ଘର ତିଆରି ପାଇଁ ଜାଗାକୁ ନେଇ ଉଭୟଙ୍କ ମଧ୍ୟରେ ବଚସା ଆରମ୍ଭ ହୋଇଯାଇଥିଲା । ଶେଷରେ ବଚସା ଉଗ୍ର ରୂପ ଧାରଣ କରିଥିଲା ରାଗରେ ଜର ଜର ହୋଇ ସାନ ଭାଇ ସନାତନ ଏକ ଧାରୁଆ କଟୁରୀରେ ବଡ ଭାଇକୁ ଆକ୍ରମଣ କରିଥିଲା । ଅନୁପମଙ୍କ ଶରୀରର ବିଭିନ୍ନ ସ୍ଥାନରେ କଟୁରୀରେ ବାରମ୍ବାର ଆଘାତ କରିଥିଲା । ରକ୍ତାକ୍ତ ଅବସ୍ଥାରେ ଅନୁପମଙ୍କୁ ପଡିଥିବାର ଦେଖି ସ୍ଥାନୀୟ ଲୋକେ ତାଙ୍କୁ ପଟ୍ଟାମୁଣ୍ଡାଇ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ।
ହେଲେ ସେଠାରେ ଡାକ୍ତର ଅନୁପମକୁ ମୃତ ଘୋଷଣା କରିଥିଲେ । ଅନ୍ୟପଟେ ଖବର ପାଇ ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତନ୍ତ ଆରମ୍ଭ କରିଥିବା ବେଳେ , ଅଭିଯୁକ୍ତ ସାନ ଭାଇ ସନାତନ ଫେରାର୍ ଥିବା ଜଣାପଡିଛି ।
