ରାକ୍ଷୀ ବାନ୍ଧି ଭଉଣୀ ଘରୁ ଫେରୁଥିଲା ଭାଇ , ବାଟରେ ଜଗିବସିଥିଲା ଯମ …
1 min read
ଠାକୁରମୁଣ୍ଡା : ରାକ୍ଷୀପୂର୍ଣ୍ଣିମାରେ ଅଘଟଣ ,ଭାଇ ପାଇଁ କାଳ ଥିଲା ରାକ୍ଷୀ ଚାଲିଗଲା ଜୀବନ । ଏଭଳି ଏକ ଦୁଃଖଦ ଘଟଣା ମୟୁରଭଞ୍ଜ ଜିଲ୍ଲାରେ ଘଟିଯାଇଛି । ମୟୁରଭଞ୍ଜ ଜିଲ୍ଲା ଠାକୁର ମୁଣ୍ଡା ବ୍ଲକ୍ ଅନ୍ତର୍ଗତ କରଞ୍ଜିଆ ଠାକୁର୍ ମୁଣ୍ଡା ୫୩ ନମ୍ବର ରାଜ୍ୟରାଜପଥର ଖଜୁରୀ ପଦା ଛକ ନିକଟରେ ମହିନ୍ଦ୍ରା ମେକ୍ସିମୋ ଓ ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକ୍ ଚାଳକଙ୍କ ମୃତ୍ୟୁ ହୋଇଛି ।
ଘଟଣାରୁ ପ୍ରକାଶ ଯେ ଠାକୁରମୁଣ୍ଡା ଥାନା ତରାମରା ପଞ୍ଚାୟତ ଅନ୍ତର୍ଗତ ହାଣ୍ଡିଫୁଟା ଗ୍ରାମର ବ୍ରଜ ବଂଶୁଳିଆ ଙ୍କ ପୁଅ ନନ୍ଦ ବଂଶୁଳିଆ( ୨୮) ଏକ ବାଇକ୍ ଯୋଗେ କରଞ୍ଜିଆ ନିକଟ ଭଉଣୀ ଘରୁ ରାକ୍ଷି ବାନ୍ଧି ନିଜ ଘରକୁ ଫେରୁ ଥିବା ବେଳେ ବିପରୀତ ଦିଗରୁ ଆସୁଥିବା OD11A3299 ନମ୍ୱର୍ ବିଶିଷ୍ଟ ମହିଂଦ୍ରା ମେକ୍ସିମୋ ଗାଡ଼ି ସହ ମୁହାଁ ମୁହିଁ ଧୋକା ହୋଇ ଥିଲେ।
ତେବେ ସେଠାରୁ ତାଙ୍କୁ ଗୁରୁତ୍ତର ଅବସ୍ଥାରେ ଉଦ୍ଧାର କରି ତରାମରା ସରପଞ୍ଚ ବ୍ରହ୍ମାନନ୍ଦ ଦେହୁରୀ ନିଜ ଓଲ୍ଟ କାର ଯୋଗେ ଆଣି ଠାକୁରମୁଣ୍ଡା ଡାକ୍ତରଖାନାରେ ଭର୍ତ୍ତି କରିଥିଲେ। ପରେ ଅବସ୍ଥା ସଙ୍କଟା ପର୍ଣ୍ଣ ଥିବାରୁ ଘଷିପୁରା ଡାକ୍ତର ଖାନା ସ୍ଥାନାନ୍ତର କରାଯାଉଥିବା ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା।ଖବର ପାଇ ଠାକୁରମୁଣ୍ଡା ପୋଲିସ ସଂପୃକ୍ତ ଗାଡ଼ି କୁ କେନ୍ଦୁଝର ଜିଲ୍ଲା ମାଛଗଡ ଗ୍ରାମ ଜଙ୍ଗଲ ରୁ ଜବତ କରି ଅଧିକ ଅନୁସନ୍ଧାନ ଜାରି ରଖିଛି ।
