ପୁଅ ମୃତ୍ୟୁର ପ୍ରତିଶୋଧ ନେଲେ କ୍ରୋଧିତ ପରିବାର ଲୋକେ
ୟୁପିର ବୁଲାନ୍ଦ ସହରରେ ଡବଲ ମର୍ଡର ଚାରିଆଡେ ଖେଳାଇ ଦେଇଛି ଆତଙ୍କ | ଜଣେ ସାଙ୍ଗ ଅନ୍ୟ ସାଙ୍ଗକୁ ଗୁଳି କରି ହତ୍ୟା କରିଥିଲା | ପରେ ମୃତକ ପରିବାର ଲୋକ କ୍ରୋଧରେ ଅଭିଯୁକ୍ତ ସାଙ୍ଗକୁ ପିଟି ପିଟି ହତ୍ୟା କରିଥିଲେ | ପୋଲିସ ଏହି ହତ୍ୟାର ଖବର ଜାଣିବା ପରେ ଘଟଣାସ୍ଥଳରେ ପହଞ୍ଚି ଦୁଇ ମୃତଦେହ ଉଦ୍ଧାର କରି ପୋଷ୍ଟମର୍ଟମକୁ ପଠାଇଛି | ଏବଂ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି ପୋଲିସ |
ପୁରା ଘଟଣା ବୁଲନ୍ଦଶାହର କୋଟୱାଲି ଦିବାଇ ଅଞ୍ଚଳର ଚିରୋରୀ ଗ୍ରାମରେ ଘଟିଥିଲା ଯେଉଁଠାରେ ରାତିରେ ମଦ୍ୟପାନ କରୁଥିବା ୨ ସାଙ୍ଗ ତଥା ନେମ ସିଂ ଏବଂ ବିନୋଦ ମଧ୍ୟରେ ବିବାଦ ଲାଗି ରହିଥିଲା। ଏହି ସମୟରେ ବିନୋଦ ପିସ୍ତଲ ସାହାଯ୍ୟରେ ନେମ ସିଂ ଉପରେ ଗୁଳି କରିଦେଇଥିଲା | ଏହା ଯୋଗୁଁ ଘଟଣାସ୍ଥଳରେ ନେମ ସିଂର ମୃତ୍ୟୁ ଘଟିଥିଲା |
ପରେ ମୃତକ ପରିବାର ଏହି ଖବର ବିଷୟରେ ସୂଚନା ପାଇବା ମାତ୍ରେ କ୍ରୋଧିତ ହୋଇ ଅଭିଯୁକ୍ତ ହତ୍ୟା କରିଥିବା ସାଙ୍ଗକୁ ପିଟାପିଟି କରିଥିଲେ | ଯାହାଫଳରେ ଅଭିଯୁକ୍ତଙ୍କୁ ଅଧିକ ମାଡ଼ ହେବ ଯୋଗୁ ପ୍ରାଣ ହରାଇଥିଲେ | ଦୁଇ ଦୁଇଟି ହତ୍ୟା ଖବର ପାଇ ପୋଲିସ ଚକିତ ହୋଇଯାଇଥିଲା | ସଙ୍ଗେ ସଙ୍ଗେ ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ଆରମ୍ଭ କରିଥିଲେ |
