ଯାତ୍ରୀବାହି ବସକୁ ଧକ୍କା ଦେଲା ଟ୍ରକ୍ , ୮ ଆହତ ହସ୍ପିଟାଲରେ ଭର୍ତ୍ତି …
1 min read
ଜଳେଶ୍ୱର : ରାଜ୍ୟରେ ପୁଣି ବସ୍ ଦୁର୍ଘଟଣା । ଯାତ୍ରୀବାହି ବସକୁ ପଛରୁ ପିଟିଲା ଟ୍ରକ୍ । ଆହତ ହେଲେ ୮ ଯାତ୍ରୀ । ଅଳ୍ପକେ ବର୍ତ୍ତିଗଲେ ଅବଶିଷ୍ଟ । ଏଭଳି ଏକ ଅଘଟଣ ଆଜି ସକାଳୁ ସକାଳୁ ବାଲେଶ୍ୱର ଜିଲ୍ଲାରେ ଘଟିଛି ।
ସୂଚନା ଅନୁଯାୟୀ ଆଜି ସକାଳେ ପ୍ରଧାନ ନାମକ ଘରୋଇ ବସ ୪୦ ରୁ ଉର୍ଦ୍ଦ ଯାତ୍ରୀଙ୍କୁ ନେଇ ଭୁବନେଶ୍ୱରରୁ ପଶ୍ଚିମବଙ୍ଗ କଲିକତା ଅଭିମୁଖେ ବାହାରିଥିଲା । ତେବେ ବସ୍ଟି ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅନ୍ତର୍ଗତ ୬୦ ନମ୍ବର ଜାତୀୟ ରାଜପଥର ଶାନ୍ତିଆ ବାଇପାସ ଅତିକ୍ରମ କରିବା ସମୟରେ ପଛ ପଟୁ ଏକ ଟ୍ରକ୍ ଦ୍ରୁତ ଗତିରେ ଧକ୍କା ଦେଇଥିଲା । ଫଳରେ ବସଟି ଭାରସାମ୍ୟ ହରାଇ ରାସ୍ତାକଡ଼କୁ ଓଲଟି ପଡ଼ିଥିଲା।
Advertisement
ସ୍ଥାନୀୟ ଲୋକଙ୍କ ସହାୟତାରେ ଗୁରୁତର ଆହାତ ଯାତ୍ରୀଙ୍କୁ ଜଳେଶ୍ଵର ଜିକେ ଭଟ୍ଟର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ବସ୍ ଓ ଟ୍ରକ୍କୁ ଜବତ କରି ଘଟଣାର ତଦନ୍ତ କରୁଛି।
