ଘାଟିରେ ଓଲଟିଲା ବସ୍ : ଅଳ୍ପକେ ବର୍ତ୍ତିଲେ ୨୩ ଯାତ୍ରୀ
1 min read
ମୋହନା : ଗଜପତି ଜିଲ୍ଲା ମୋହନା ଥାନା ରାଇସିଙ୍ଗ ଘାଟିରେ ଗତକାଲି ବିଳମ୍ବିତ ରାତ୍ରୀରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ସୂଚନା ଅନୁଯାୟୀ ଗତକାଲି ରାତିରେ କାମଧେନୁ ନାମକ ଏକ ଯାତ୍ରୀବାହୀ ବସ୍ଟି ରାୟଗଡାରୁ ବ୍ରହ୍ମପୁର ଯିବା ବେଳେ ଘାଟି ପାଖ ରାସ୍ତାରେ ହଠାତ୍ ଭାରସାମ୍ୟ ହରାଇ ଓଲଟି ପଡିଥିଲା । ବସ୍ରେ ପ୍ରାୟ ୨୩ ରୁ ଅଧିକ ଯାତ୍ରୀ ଥିବାବେଳେ ଗତକାଲି ରାତି ୩ ଟା ସମୟରେ ଏପରି ଏକ ଅଭାବନୀୟ ଘଟଣା ଘଟିଯାଇଛି ।
ଖବର ପାଇ ସଙ୍ଗେ ସଙ୍ଗେ ନିକଟସ୍ଥ ଅଗ୍ନିଶମ କର୍ମଚାରୀ ଓ ପୋଲିସ ଆସି ପହଞ୍ଚି ଉଦ୍ଧାର କାର୍ଯ୍ୟରେ ଲାଗିପଡିଥିଲେ । ପ୍ରାୟ ୧ ଘଣ୍ଟା ଭିତରେ ସବୁ ଯାତ୍ରୀମାନଙ୍କୁ ଗାଡିମଧ୍ୟରୁ ସୁରକ୍ଷିତ ବାହର କରାଯାଇଥିବାବେଳେ , ଯାତ୍ରୀମାନଙ୍କର ବିଶେଷ କିଛି କ୍ଷତି ହୋଇନଥିଲା । ସେହିପରି ସମସ୍ତ ଯାତ୍ରୀ ବ୍ରହ୍ମପୁର ଏବଂ ଦିଗପହଣ୍ଡି ଅଞ୍ଚଳର ହୋଇଥିବାରୁ ସେମାନଙ୍କୁ ସୁରକ୍ଷିତ ନିଜ ନିଜ ଘରକୁ ପଠାଯାଇଛି । ପୋଲିସ ଗାଡିଟିକୁ ଜବତ ରଖି ଘଟଣାର ତଦନ୍ତ ଚଲାଇଛି ।
Advertisement
