ଟ୍ରକକୁ ପଛରୁ ପିଟିଲା ଯାତ୍ରୀବାହୀ ବସ୍ , ଚାଲିଗଲା ଦୁଇଜଣଙ୍କ ଜୀବନ ..

ପୁଣି ଏକ ବସ୍ ଦୁର୍ଘଟଣା । ଚାଲିଗଲା ଦୁଇ ଜଣଙ୍କ ଜୀବନ । ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ହରଡୋଖୋଳ ଠାରେ ଯାତ୍ରୀ ବାହି ବସ ଦୁର୍ଘଟଣା ଗସ୍ତ । ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର । ସୂଚନାନୁଯାୟୀ ଗତ ବିଳମ୍ବୀତ ରାତ୍ରୀରେ ପ୍ରଧାନ ନାମକ ଏକ ଘରୋଇ ବସ ଜୟପୁରରୁ କଟକ କୁ ଯାଉଥିବା ବେଳେ ରାସ୍ତା କଡରେ ଛିଡ଼ା ହୋଇଥିବା ଏକ ଟ୍ରକକୁ ପିଟି ଥିଲା ।

ଫଳରେ ଚାପି ହୋଇ ଘଟଣା ସ୍ଥଳରେ ଡ୍ରାଇଭର ଡମ୍ବରୁ ଧର ସ୍ୱାଇଁ ଓ ହେଲପର ଶିବରାମ ଗଉଡଙ୍କ ମୃତ୍ୟୁ ହୋଇଥିଲା । ସ୍ୱାଧିନ ଗଉଡ ଗୁରୁତର ଆହାତ ହୋଇଥିବାବେଳେ ତାଙ୍କୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରାରମ୍ଭିକ ଚିକିତ୍ସା ପରେ ବୁର୍ଲା ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ବସରେ ଥିବା ୪୦ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।

Advertisement