ଭାରସାମ୍ୟ ହରାଇ ୨୦ ଫୁଟ୍ ତଳକୁ ଖସି ଓଲଟିଲା ବସ୍ ,୨୦ ଗୁରୁତର ଆହତ
1 min read
ବାରିପଦା : ସକାଳୁ ସକାଳୁ ଜାତୀୟ ରାଜପଥରେ ଘଟିଗଲା ଅବାବନୀୟ ଘଟଣା । ରାସ୍ତାର ୨୦ ଫୁଟ୍ ଥଳକୁ ଖସି ଓଲଟି ପଡିଲା ଯାତ୍ରୀବାହି ବସ୍ ।
ସୂଚନା ଅନୁଯାୟୀ ମୟୁରଭଞ୍ଜ ଜିଲ୍ଲାର ୧୮ ନମ୍ବର ଜାତୀୟ ରାଜପଥ କୁଳିଅଣା ବାଲିମୁଣ୍ଡୁଳି ଛକରେ ଶୁକ୍ରବାର ସକାଳ ସମୟରେ ଗୌରୀ ନାମକ ଯାତ୍ରୀବାହୀ ବସ୍ ଦୁର୍ଘଟଣା ଗ୍ରସ୍ତ ହୋଇଛି । ଏଥିରେ ପ୍ରାୟ ୨୦ ଜଣ ଯାତ୍ରୀ ଗୁରୁତର ଆହତ ହୋଇଥିବା ଜଣାପଡିଛି । ସ୍ଥାନୀୟ ଲୋକଙ୍କ ସାହାର୍ଯ୍ୟରେ ସମସ୍ତଙ୍କୁ ଉଦ୍ଧାର କରାଯାଇ ତୁରନ୍ତ ଆମ୍ବୁଲାନ୍ସ ସହାୟତାରେ ବାରିପଦା ମେଡିକାଲ କଲେଜରେ ଭର୍ତ୍ତି କରାଯାଇଛି ।
ଆଜି ସକାଳ ସମୟରେ ବସଟି ଯାତ୍ରୀମାନଙ୍କୁ ନେଇ କରଞ୍ଜିଆରୁ ବାରିପଦା ଅଭିମୁଖେ ଆସୁଥିଲା। ଏହି ସମୟରେ ବାଲିମୁଣ୍ଡୁଳି ଛକରେ ବସ୍ଟି ଭାରସାମ୍ୟ ହରାଇ ରାସ୍ତାର ୨୦ ଫୁଟ୍ ତଳକୁ ଖସିପଡ଼ିଥିଲା। ପରେ ବସ୍ଟି ଓଲଟି ପଡ଼ିଥିଲା। ବସ୍ରେ ୫୦ରୁ ଅଧିକ ଯାତ୍ରୀଥିଲେ। ସେମାନଙ୍କ ମଧ୍ୟରେ କିଛି କଲେଜ ପିଲା ମଧ୍ୟ ଥିଲେ। ବସ୍ ଚକା ବାହାରିଯିବା ଯୋଗୁ ବସ୍ଟି ଦୁର୍ଘଟଣାଗ୍ରସ୍ତ ହୋଇଥିବା ଜଣାଯାଇଛି। ପୁଲିସ ଘଟଣାର ତଦନ୍ତ କରୁଛି।
