ପଟ୍ଟାଙ୍ଗି ନିର୍ବାଚନ ମଣ୍ଡଳୀରେ କଂଗ୍ରେସ ର ଜୋରଦାର ପ୍ରଚାର ..
1 min read
କୋରାପୁଟ ଜିଲ୍ଲା ପଟ୍ଟାଙ୍ଗି ନିର୍ବାଚନ ମଣ୍ଡଳୀର କୁନ୍ଦୁଲି ଏବଂ ପଟ୍ଟାଙ୍ଗି ଠାରେ କୋରାପୁଟ ସଂସଦ ପ୍ରାର୍ଥୀ ସପ୍ତଗିରୀ ଶଙ୍କର ଉଲ୍ଲାକା ଓ ପଟ୍ଟାଙ୍ଗି ବିଧାୟକ ପ୍ରାର୍ଥୀ ରାମଚନ୍ଦ୍ର କାଡ଼ାମ୍ ଏକ ରୋଡ଼ ସୋ ଜରିଆରେ ପ୍ରଚାର କରିଛନ୍ତି। ଆଜି କୁନ୍ଦୁଲିରେ ହାଟ ବଜାର ଲାଗିଥିଲା । ବଜାର ଗହଳିର ସୂଯୋଗ ଦେଖି କଂଗ୍ରେସ ଦଳ ପକ୍ଷରୁ ନିଜ ଦଳୀୟ ପ୍ରଚାର କରିଥିଲେ । ଏକ ବିଶାଳ ପଦଯାତ୍ରାରେ ହଜାର ହଜାର ସଂଖ୍ୟାରେ ସମର୍ଥକଙ୍କ ସହ ରୋଡ଼ ସୋ କରି ବିରୋଧୀଙ୍କୁ ଚକିତ କଲାଭଳି ଏକ ମେସେଜ ଦେଇଛନ୍ତି। ସାଂସଦ ପ୍ରାର୍ଥୀ ଉଲ୍ଲାକା। ଆସନ୍ତା ସାଧାରଣ ନିର୍ବାଚନରେ କୋରାପୁଟ ଜିଲ୍ଲାର ଗୋଟିଏ ସାଂସଦ ଏବଂ ୫ ଟି ବିଧାନସଭା ଆସନରେ କଂଗ୍ରେସ ନିଶ୍ଚିତ ଭାବେ ବିଜୟୀ ଲାଭ କରିବ ବୋଲି କହିଛନ୍ତି।
ଆଜିର ଏହି ଜନ ସମୁଦ୍ର ଦେଖି ଲାଗୁଛି ଓଡ଼ିଶା ରାଜ୍ୟର ଜନତା ନିଶ୍ଚିତ ରୂପେ ସରକାର ପରିବର୍ତ୍ତନ କରିବାକୁ ଚାହୁଁଛନ୍ତି ବୋଲି ସେ କହିଛନ୍ତି । କଂଗ୍ରେସ ପାଇଁ ଏହି ନିର୍ବାଚନ ଟି ଅତି ଭଲ ଫଳ ଦେବ ବୋଲି ସେ ଦୃଢେ଼ାକ୍ତି ପ୍ରକାଶ କରିଛନ୍ତି। ଆସନ୍ତା ୧୩ ତାରିଖ ନିର୍ବାଚନରେ ଏହାର ଫଳାଫଳ କଂଗ୍ରେସକୁ ବହୁତ ଫାଇଦା ଦେବ ବୋଲି ସେ କହିଛନ୍ତି। ବିଧାୟକ ପ୍ରାର୍ଥୀ ରାମଚନ୍ଦ୍ର କାଡ଼ାମ୍ ଏହି ରୋଡ଼ ସୋ ଜରିଆରେ କୁନ୍ଦୁଲି ଓ ପଟ୍ଟାଙ୍ଗି ର ମତଦାତା ମାନଙ୍କୁ କଂଗ୍ରେସ ସପକ୍ଷରେ ମତଦାନ କରିବାକୁ ଆହ୍ୱାନ କରିଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଛତିଶଗଡ ରାଜ୍ୟର ପୂର୍ବତନ ସାଂସଦ ତଥା ଏଆଇସିସି ପ୍ରଦେଶ ଅଧ୍ୟକ୍ଷ ଦିପକ ବୈଜ୍ ଯୋଗ ଦେଇ ନିଜ ଅଭିଭାଷଣରେ ସାଂସଦ ପ୍ରାର୍ଥୀ ସପ୍ତଗିରି ଶଙ୍କର ଉଲ୍ଲାକାଙ୍କ କାର୍ଯ୍ୟକଳାପକୁ ପ୍ରଶଂସା କରିବା ସହିତ ଜନ ସାଧାରଣଙ୍କୁ କଂଗ୍ରେସ ସପକ୍ଷରେ ମତଦାନ କରିବାକୁ ଅନୁରୋଧ କରିଛନ୍ତି। ଅନ୍ୟ ମାନଙ୍କ ମଧ୍ୟରେ ସପ୍ତଗିରି ଉଲ୍ଲାକା ଙ୍କ ସହଧର୍ମିଣୀ ପୁଜା ଉଲ୍ଲାକା, କଂଗ୍ରେସ ବ୍ଳକ ସଭାପତିଙ୍କ ସମେତ ଅନେକ ନେତା ଓ କର୍ମୀ ଯୋଗଦାନ କରିଥିଲେ।
