ଗଞ୍ଜେଇକୁ ମିଳିଲା ଆଇନଗତ ମାନ୍ୟତା , ଏବେ ୧୮ ବର୍ଷରୁ ଉର୍ଦ୍ଧ୍ୱ ବ୍ୟକ୍ତି ଟାଣିପାରିବେ ଗଞ୍ଜେଇ ..
1 min read
ଏବେ ସର୍ବସାଧାରଣ ସ୍ଥାନରେ ଗଞ୍ଜେଇ ମିଳିଲା ଆଇନଗତ ମାନ୍ୟତା । ବ୍ୟବହାରକୁ ଅନୁମତି ଦେଇଛନ୍ତି ସରକାର । ଏହି ନୂଆ ଆଇନ ଅନୁଯାୟୀ ଜର୍ମାନୀରେ ୧୮ ବର୍ଷରୁ ଅଧିକ ବୟସର ଲୋକଙ୍କ ପାଖରେ ୨୫ ଗ୍ରାମ ପର୍ଯ୍ୟନ୍ତ ଗଞ୍ଜେଇ ରଖିବାକୁ ଅନୁମତି ମିଳିବ । ତେବେ ସକାଳ ୭ଟାରୁ ରାତି ୮ଟା ପର୍ଯ୍ୟନ୍ତ ସ୍କୁଲ, କ୍ରୀଡ଼ା କେନ୍ଦ୍ର ସମ୍ମୁଖରେ କିମ୍ବା ଜନଗହଳି ଅଞ୍ଚଳରେ ଗଞ୍ଜେଇ ସେବନ କରିପାରିବେ ନାହିଁ । ଏହି ନିୟମ ଜର୍ମାନୀରେ ଲାଗୁ କରାଯାଇଛି ।
ସାମାଜିକ ଗଣତାନ୍ତ୍ରିକ ଚ୍ୟାନେଲର ଓଲାଫ୍ ସ୍କୋଲ୍ଜଙ୍କ ସରକାରଙ୍କ ଏହି ଗୁରୁତ୍ୱପୂର୍ଣ୍ଣ ବିଲ୍ ଗତ ଫେବ୍ରୁଆରି ୨୩ ରେ ସଂସଦରେ ବହୁ ସମାଲୋଚନା ଏବଂ ବିତର୍କ ପରେ ଗୃହୀତ ହୋଇଥିଲା ।ଏହାର ସପକ୍ଷରେ ୪୦୭ ଭୋଟ ଓ ବିପକ୍ଷରେ ୨୨୬ଟି ଭୋଟ ପଡ଼ିଥିଲା । ଏହା ସହିତ ଗଞ୍ଜେଇକୁ ବୈଧ କରିବାରେ ତୃତୀୟ ୟୁରୋପୀୟ ସଂଘ ଦେଶ ହୋଇଛି ଜର୍ମାନୀ । ଲକ୍ଜମବର୍ଗ ଏବଂ ମାଲ୍ଟା ପୂର୍ବରୁ ଗଞ୍ଜେଇ ବ୍ୟବହାରକୁ ଅନୁମୋଦନ କରିଥିଲେ । ଏହା ପୂର୍ବରୁ ଗତ ୨୦୨୨ ମସିହାରେ ଦକ୍ଷିଣ-ପୂର୍ବ ଏସୀୟ ଦେଶ ଥାଇଲାଣ୍ଡରେ ଗଞ୍ଜେଇ ଉପରେ ଲାଗୁ ନିଷେଧାଜ୍ଞା ଉଠାଇଦିଆଯାଇଥିଲା ।
ଏହା ଫଳରେ ଥାଇଲାଣ୍ଡରେ ଲୋକମାନେ ଗଞ୍ଜେଇ ଚାଷ ଓ ବ୍ୟବସାୟ କରିପାରୁଛନ୍ତି । ମାତ୍ର ଏହି ଦେଶରେ ଗଞ୍ଜେଇ ସେବନ ଉପରେ ଏବେ ବି କେତେକ କଟକଣା ଲାଗୁ ରହିଛି । ତା ସହିତ ଏହି ନିୟମକୁ କାର୍ଯ୍ୟକାରୀ କରିବା ସହିତ ସରକାର ଏହାର ବିପଦ ବିଷୟରେ ସଚେତନତା ସୃଷ୍ଟି କରିବା ପାଇଁ ସରକାର ଅନେକ ସହାୟତା ଅଭିଯାନର ପ୍ରତିଶୃତି ଦେଇଛନ୍ତି । ଏହା ବ୍ୟତୀତ ସରକାର ସ୍କୁଲ ଏବଂ ଖେଳ ପଡିଆ ଠାରୁ ୧୦୦ ମିଟର ଦୂରରେ ୧୮ ବର୍ଷରୁ କମ୍ ପିଲାମାନଙ୍କ ଦ୍ୱାରା ଗଞ୍ଜେଇ ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି ।
