ପୁରୀରୁ ଦର୍ଶନ ସାରି ଫେରୁଥିଲେ ଧକ୍କା ହେଲା କାର ; ବାପ ଝିଅ ମୃତ , ଶାଶୁ- ଶଶୁର-ବୋହୂ ଗୁରୁତର ।
1 min read
ଭଦ୍ରକ ; ଭାରସାମ୍ୟ ହରାଇ କଲଭର୍ଟକୁ ଧକ୍କା ଦେଲା କାର । ଗୋଆରୁ ହାୱଡା ଯିବା ବେଳେ ଏକ କାର ଭୟଙ୍କର ଦୁର୍ଘଟଣା ଘଟାଇଛି । ଦୁର୍ଘଟଣାରେ ବାପା ଓ ଝିଅର ମୃତ୍ୟୁ ହୋଇଥିବା ବେଳେ, ଶାଶୁ ବୋହୂ, ଶଶୁର ଗୁରୁତର ଅଛନ୍ତି।
ସୂଚନା ଅନୁଯାୟୀ ୧୬ ନମ୍ବର ଜାତୀୟ ରାଜପଥର ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅଧୀନ ଯଶୋଟିକିରୀ ଠାରେ ଏହି ଲୋମଟାଙ୍କୁରା ଦୁର୍ଘଟଣା ଘଟିଛି । ଗୋଟେ ପରିବାରର ୫ ଜଣ ଲୋକେ ଗୋଆ ରୁ ପୁରୀ ଯାଇ ପୂଜା ସାରି ହାୱଡା ଅଭିମୁଖେ ଆସୁଥିଲେ । କାରଟି ଭାରସାମ୍ୟ ହରାଇ ଯଶୋଟିକିରି ଠାରେ ଏକ କଲର୍ଭଟକୁ ଧକ୍କା ଦେଇଥିଲା । ଘଟଣା ସ୍ଥଳରେ ଟୋଲ ଗେଟ ଆମ୍ବୁଲାନ୍ସ ଉଦ୍ଦାର କରି କାରରେ ଥିବା ୫ ଜଣଙ୍କୁ ପ୍ରଥମେ ଭଣ୍ଡାରିପୋଖରୀ ଓ ପରେ ଗୁରୁତର ଅବସ୍ଥାରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲା ।
ସେଠାରେ ଦୁଇ ଜଣଙ୍କୁ ମୃତ ଘୋଷଣା କରିଛନ୍ତି । ମୃତ ଝିଅ ର ବୟସ ୫ ବର୍ଷ ହେବ, ବାପାର ବୟସ ୫୫ ବର୍ଷ ବୋଲି ଅନୁମାନ କରାଯାଉଛି। ଅନ୍ୟ ୩ ଜଣ ଗୁରୁତର ରହିଛନ୍ତି । ତେବେ ଦୁଇ ମୃତକଙ୍କ ମଧ୍ୟରେ ଗୋଟିଏ ପରିବାରର ବାପ ଓ ଝିଅ ହୋଇଥିବା ବେଳେ ଗୁରୁତରଙ୍କ ମଧ୍ୟରେ ଶାଶୁ ଓ ବୋହୁ,ଶଶୁର ରହିଛନ୍ତି ।
