ଗଡ଼ୱାଲରେ ପିଟି ୧୫ ପୁଟ ତଳକୁ ଖସିଲା କାର

ଗଜପତି : ଭାରସାମ୍ୟ ହରାଇ ପୋଲବାଡକୁ /ଗଡୱାଲକୁ ଧକ୍କା ଦେଇ ୧୫ ଫୁଟ୍ ତଳକୁ ଖସିପଡିଲା କାର୍ । ଏଭଳି ଏକ ଛାତିଥରା ଘଟଣା ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଖ୍ରୀଷ୍ଟନପୁର ନିକଟ ୩ ନମ୍ବର ଛକ ଠାରେ ଘଟିଛି ।

ମଙ୍ଗଳବାର ସକାଳ ସମୟରେ ପୁରୀରୁ ଜୟପୁରକୁ ଫେରୁଥିବା ବେଳେ ଭାରସାମ୍ୟ ହରାଇ ରାସ୍ତାର ଗଡ଼ୱାଲକୁ ପିଟି ୧୫ପୁଟ ତଳକୁ ଖସିପଡିଲା କାର । ଦୁର୍ଘଟଣାରେ ୫ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୩ ଜଣଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବା ଜଣାପଡିଛି । ତେବେ ଘଟଣା ସ୍ଥଳରେ ସ୍ଥାନୀୟ ଲୋକଙ୍କ ସହାୟତାରେ ପ୍ରଥମେ ସେମାନଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ମୋହନା ମେଡିକାଲ ପଠାଇଥିଲେ । ଏହାପରେ ଗୁରୁତର ୩ଜଣ ଯଥା ରାମଚନ୍ଦ୍ର ମିଶ୍ର, ଦିଲିପ ରଥ ଓ ନରେଶ ପଣ୍ଡାଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି । ଘଟଣା ସ୍ଥଳେ ଅଡବା ପୋଲିସ ପହଂଚି ତଦନ୍ତ ଜାରି କରିଛନ୍ତି ।

Advertisement