କାରକୁ ପଛପଟୁ ଧକ୍କା ଦେଲା ଟ୍ରକ ; ଦୁର୍ଘଟଣାରେ ଜଣେ ମୃତ, ତିନି ଆହତ
1 min read
ଦେବଗଡ଼ : ବୁଧବାର ଅପରାହ୍ନ ସମୟରେ ଦେବଗଡ ଜିଲ୍ଲା ୪୯ ନମ୍ବର ରାଜ୍ୟ ରାଜପଥର ଗୁଣ୍ଡେଇମରା ନିକଟରେ ଏକ ଟ୍ରକ ଓ କାର ଦୁର୍ଘଟଣା ଗ୍ରସ୍ଥ ହୋଇଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣ ଆହତ ହେଇଥିବା ଜଣାପଡିଛି । ମୃତାହତ ମାନେ ସମସ୍ତେ ଦେବଗଡ ଜିଲ୍ଲା ବାରକୋଟ ଥାନା ଅନ୍ତର୍ଗତ ବାହାଡାପଶି ଗ୍ରାମ ଓ ତଳିତା ଗ୍ରାମର ବାସିନ୍ଦା ବୋଲି ଜଣାପଡିଛି।
ସମସ୍ତ ମୃତାହତ ସମ୍ବଲପୁରରୁ ଘରକୁ ଫେରିବା ସମୟରେ ଗୁଣ୍ଡେଇମରା ନିକଟରେ ପଛ କଡରୁ ଏକ ଟ୍ରକ ଧକ୍କା ଦେଇଥିଲା । ଏହି ଦୁର୍ଘଟଣା ଫଳରେ ଘଟଣାସ୍ଥଳରେ କାରରେ ଥିବା ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣ ଆହତ ହୋଇଛନ୍ତି । ଆହତ ମାନଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ବର୍ତମାନ ସେମାନେ ସୁସ୍ଥ ଥିବା ଡାକ୍ତର କହିଛନ୍ତି । ମୃତ ବ୍ୟକ୍ତି ଜଣକ ହେଲେ ସୁନ୍ଦରଗଡ ଜିଲ୍ଲା ବଣେଇ ଥାନା ଅନ୍ତର୍ଗତ ତଳିତା ଗ୍ରାମର ଶ୍ରୀକାନ୍ତ ସାହୁଙ୍କ ପୁଅ ୨୫ ବର୍ଷ ବୟସ୍କ ଶଶାଙ୍କ ଶେଖର ସାହୁ ଓରଫ ସିକୁ ସାହୁ ବୋଲି ଜଣାପଡିଛି।
Advertisement
