ସିଭିଲ କୋର୍ଟ ସାମ୍ନାରେ ଭୟଙ୍କର ଦୁର୍ଘଟଣା ; ସ୍କୁଟିକୁ ପଛରୁ ପିଟି ୫୦ ମିଟର ଘୋଷାଡିଲା କାର୍…
1 min read
ବଲାଙ୍ଗୀର : ବଲାଙ୍ଗୀର ସିଭିଲ କୋର୍ଟ ସାମ୍ନାରେ ଭୟଙ୍କର ଦୁର୍ଘଟଣା । ଦ୍ରତଗତିରେ ଆସି ସ୍କୁଟିକୁ ପଛପଟୁ ଧକ୍କାଦେଲା କାର୍ । ଫଳରେ ସ୍କୁଟି ଚଳାଉଥିବା ମା’ ଜଣକ ଆହତ ହୋଇଥିବା ବେଳେ ପୁଅ ଗୁରୁତର ଥିବା ଯୋଗୁଁ ଉପସ୍ଥିତ ଥିବା ଲୋକେ ତାକୁ ତୁରନ୍ତ ଭୀମଭୋଇ ମେଡ଼ିକାଲ୍ କଲେଜ୍ ଓ ହସ୍ପିଟାଲ୍କୁ ପଠାଇଥିବା ଜଣାପଡ଼ିଛି ।
ସୂଚନାଯୋଗ୍ୟ ଯେ ଶନିବାର ସକାଳ ୧୧ ଟା ୨୦ ମିନିଟରେ ପାଟଣାଗଡ଼ ପଟୁ ଦ୍ରୁତ ଗତିରେ ଆସୁଥିବା ଏକ ଓଡ଼ି୦୩ଭି୫୦୩୮ ନମ୍ବର ବିଶିଷ୍ଟ କାର୍ ଓଡ଼ି୦୩ଭି୫୦୩୮ ନମ୍ବର ବିଶିଷ୍ଟ ଏକ ସ୍କୁଟିକୁ ପଛପଟୁ ଧକ୍କା ଦେଇ ୫୦ ମିଟର ଯାଏ ଘୋଷାଡି ନେଇଥିଲା । ଫଳରେ ସ୍କୁଟିରେ ଯାଉଥିବା ମା’ ପୁଅ ଗୁରୁତର ଆହତ ହୋଇପଡିଥିଲେ ।
ସ୍ଥାନୀୟ ଲୋକଙ୍କ ସହାୟତାରେ ଉଭୟ ମା ପୁଅଙ୍କୁ ଭୀମଭୋଇ ମେଡ଼ିକାଲ୍ କଲେଜ୍ ଓ ହସ୍ପିଟାଲ୍ରେ ଭର୍ତ୍ତି କରାଯାଇଛି । ତେବେ ଆହତ ମା’ ପୁଅ ଦୁଇଜଣ ବଲାଙ୍ଗୀର କନ୍ଧପାଲିପଡାର ବୋଲି ଜଣାପଡିଛି । ଦୁର୍ଘଟଣା ଘଟଣାଇଥିବା କାର୍ ଏବେ ଘଟଣାସ୍ଥଳରେ ରହିଥିବା ବେଳେ ବଲାଙ୍ଗିର ଟାଉନ୍ ପୁଲିସ୍ ପହଂଚି ତଦନ୍ତ କରୁଥିବା ଜଣାପଡ଼ିଛି ।
