ଆଜି ଶପଥ ଗ୍ରହଣ କରିବେ ଝାଡଖଣ୍ଡ ନୂଆ ମୁଖ୍ୟମନ୍ତ୍ରୀ ।
1 min read
ଆଜି ଶପଥ ଗ୍ରହଣ କରିବେ ଝାଡଖଣ୍ଡ ନୂଆ ମୁଖ୍ୟମନ୍ତ୍ରୀ । ଝାଡଖଣ୍ଡ ମୁଖୀ ମୋର୍ଚ୍ଚାର ଭେଟେରାନ ନେତା ଚମ୍ପାଇ ସୋରେନ ଆଜି ଝାଡଖଣ୍ଡର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ୬୭ ବର୍ଷିୟା ଚମ୍ପାଇ ସୋରେନ ଙ୍କୁ ଆଜି ସନ୍ଧ୍ୟାରେ ଶପଥ ଗ୍ରହଣ କରିବାକୁ ରାଜ୍ୟପାଳ ନିମନ୍ତ୍ରଣ କରିଥିଲେ – ଅର୍ଥ ହେରଫେର ମାମଲାରେ ତାଙ୍କ ପୂର୍ବ ହେମାନ୍ତ ସୋରେନ ଗିରଫ ହେବାର ୨୪ ଘଣ୍ଟାରୁ ଅଧିକ ସମୟ ପରେ। ରାଜ୍ୟପାଳ ସି.ପି ରାଧାକ୍ରିଷ୍ଣନଙ୍କ ଏହି ପଦକ୍ଷେପ ଗୁରୁବାର ଦିନ ଚମ୍ପାଇ ସୋରେନଙ୍କୁ ସାକ୍ଷାତ କରିବାର କିଛି ଘଣ୍ଟା ପରେ ତାଙ୍କୁ ଶପଥ ଗ୍ରହଣ କରିବାକୁ ଡାକିବାକୁ ନିବେଦନ କରିଥିଲେ।
ଚମ୍ପାଇ ସୋରେନ
“ରାଜ୍ୟରେ ୧୮ ଘଣ୍ଟା ଧରି କୌଣସି ସରକାର ନାହିଁ। ଦ୍ୱନ୍ଦ୍ୱରେ ପରିସ୍ଥିତି ସୃଷ୍ଟି ହୋଇଛି। ସାମ୍ବିଧାନିକ ମୁଖ୍ୟ ହୋଇଥିବାରୁ ଆମେ ଆଶା କରୁଛୁ ଆପଣ ଶୀଘ୍ର ଏକ ଲୋକପ୍ରିୟ ସରକାର ଗଠନ ପାଇଁ ପଦକ୍ଷେପ ନେବେ।” ଆଜି ଶପଥ ଗ୍ରହଣ ଉତ୍ସବ ହେବାକୁ ଥିବା ବେଳେ ୧୦ ଦିନ ଭିତରେ ଚମ୍ପଇଙ୍କୁ ବହୁମତ ପ୍ରମାଣ କରିବାକୁ ପଡ଼ିବ।
ଗତକାଲି ସନ୍ଧ୍ୟାରେ ରାଜଭବନ ଯାଇ ରାଜ୍ୟପାଳଙ୍କୁ ସାକ୍ଷାତ କରିଥିଲେ ଚମ୍ପଇ। ତାଙ୍କ ପାଖରେ ୪୩ ବିଧାୟକଙ୍କ ସମର୍ଥନ ଥିବା ଜଣାଇବା ସହ ସରକାର ଗଠନ ଲାଗି ସେ ରାଜ୍ୟପାଳଙ୍କୁ ଜଣାଇଥିଲେ। ଏପଟେ ବିଜେପି ମଧ୍ୟ ଆଜି ନିଜର ବିଧାୟକ ଦଳ ବୈଠକ ଡାକିଛି। ଚମ୍ପଇ ସୋରେନ୍ ଝାଡ଼ଖଣ୍ଡ ଟାଇଗର୍ ଭାବେ ପରିଚିତ । ୭ ଥରର ବିଧାୟକ ଅଟନ୍ତି ଚମ୍ପଇ ସୋରେନ୍ । ସଢ଼େଇକଳା-ଖରସୁଆଁ ଜିଲ୍ଲା ଜିଲିଙ୍ଗଗୋଡ଼ା ଗାଁରେ ଚମ୍ପଇଙ୍କ ଘର । ଦଶମ ଯାଏଁ ପଢ଼ିଛନ୍ତି ଆଦିବାସୀ ଚାଷୀଙ୍କ ପୁଅ ଚମ୍ପଇ ସୋରେନ୍ ।
ଅପରପକ୍ଷେ, ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଆଜି ରିମାଣ୍ଡ ଶୁଣାଣି ରହିଛି। ହେମନ୍ତଙ୍କୁ ୧୦ ଦିନିଆ ରିମାଣ୍ଡରେ ନେବା ଲାଗି ପ୍ରବର୍ତ୍ତନ ନିର୍ଦ୍ଦେଶାଳୟ ଆବେଦନ କରିଛି।
