କରୋନାରେ ଆଖିବୁଜିଲେ ସାଉଥ୍ ସୁପରଷ୍ଟାର ବିଜୟକାନ୍ତ ।

ହାଇଦ୍ରାବାଦ୍ ; ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ତଥା ଡିଏମଡିକେ ଚିଫ୍ କ୍ୟାପଟେନ ବିଜୟକାନ୍ତ ଙ୍କ ମୃତ୍ୟୁ ସାରା ସାଉଥ୍ ଇଣ୍ଡଷ୍ଟ୍ରିକୁ ଗଭୀର ଦୁଃଖରେ ବୁଡାଇଦେଇଛି । ଚେନ୍ନାଇରେ ଚିକିତ୍ସାଧୀନ ଅବସ୍ଥାରେ ଆଜି ସକାଳେ ତାଙ୍କ ବିୟୋଗ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ହୋଇଥିଲା । ଦେଶରେ କରୋନାର ନୂଆ ଭାରିଏଣ୍ଟ ଲୋକଙ୍କ ମନରେ ଝନକା ପସାଇ ଥିବାବେଳେ , ବିଜୟକାନ୍ତ କରୋନା ପଜିଟିଭ ଚିହ୍ନଟ ହେବା ପରେ ମଙ୍ଗଳବାର ଦିନ ହସପିଟାଲରେ ଭର୍ତ୍ତି ହୋଇଥିଲେ । ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା ।

ନିଃଶ୍ୱାସ ପ୍ରଶ୍ୱାସ ନେବାରେ ସେ କଷ୍ଟ ଅନୁଭବ କରୁଥିଲେ । ଏଥିପାଇଁ ଭେଣ୍ଟିଲେଟରରେ ରଖାଯାଇଥିଲା । ହସ୍ପିଟାଲର ପକ୍ଷରୁ ଦିଆଯାଇଥିବା ସୂଚନା ଅନୁସାରେ ନିମୋନିଆରେ ଆଡମିଶନ ହେବା ପରେ କ୍ୟାପଟେନ ବିଜୟକାନ୍ତ ଭେଣ୍ଟିଲେଟରରେ ଥିଲେ । ଡାକ୍ତରଙ୍କ ବହୁ ଚେଷ୍ଟା ପରେ ମଧ୍ୟ ଆଜି ତାଙ୍କର ଦେହାନ୍ତ ହୋଇଛି ।

ବିଜୟକାନ୍ତଙ୍କ ଦେହାନ୍ତ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘x’ରେ ଏକ ପୋଷ୍ଟକରି ସମବେଦନା ଜଣାଇଛନ୍ତି । ସେ ଟ୍ୱିଟ ରେ ଲେଖିଛନ୍ତି, ଘନିଷ୍ଠ ବନ୍ଧୁ ବିଜୟକାନ୍ତଙ୍କ ଦେହାନ୍ତ ଶୂନ୍ୟସ୍ଥାନ ସୃଷ୍ଟି କରିଛି ।