କଟକରେ ଜାଇକା ବକ୍ସ ଡ୍ରେନ୍ ପ୍ରକଳ୍ପ ଲୋକାର୍ପିତ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
1 min read
ବହୁ ପ୍ରତିକ୍ଷୀତ ଜାଇକା ତଥା ୱାଟକୋ ବକ୍ସ ଡ୍ରେନ୍ ପ୍ରକଳ୍ପର ଲୋକାର୍ପଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଟକ ସମାଜ ଅଫିସ୍ ପଟାପୋଲରୁ ସରପଡ଼ା ପର୍ଯ୍ୟନ୍ତ ଚାରି କିଲୋମିଟର ବ୍ୟାପି ବକ୍ସ ଡ୍ରେନ ପ୍ରକଳ୍ପ ସମ୍ପୂର୍ଣ୍ଣ ହୋଇଥିବାବେଳେ ଆଜି ଏହାକୁ ଭର୍ଚୁଆଲି ଉଦଘାଟନ କରିଛନ୍ତି ମାନ୍ୟବର ମୁଖ୍ୟମନ୍ତ୍ରୀ ।
ଏହି ଅବସରରେ ଜାଇକାର ଜାପାନ ପ୍ରତିନିଧି ଓ ୱାଟକୋର ପ୍ରତିନିଧି, କଟକ ଡେଭଲପମେଣ୍ଟ ଅଥରିଟି ଅନିଲ ସାମଲ, କଟକ ମହାନଗର ନିଗମର ମେୟର ଓ କମିଶନର, ପୂର୍ବତନ ବିଧାୟକ ତଥା ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ, କଟକ-ଚୌଦ୍ବାର ବିଧାୟକ ସୌଭିକ୍ ବିଶ୍ଵାଳ, ପୂର୍ବତନ ବିଧାୟକ ପ୍ରଭାତ ବିଶ୍ବାଳଙ୍କ ସମେତ କଟକ ମହାନଗର ନିଗମର ଅଧିକାଂଶ କର୍ପୋରେଟର ପ୍ରମୁଖ ଉପସ୍ଥିତ ଥିଲେ । ଦୀର୍ଘ ବର୍ଷ ଧରି କଟକିଆ ମାନେ ଜଳବନ୍ଦୀ ସମସ୍ୟାର ସମ୍ମୁଖୀନ ହେଉଥିଲେ । ଆଉ ଏବେ ଏହି ବକ୍ସ ଡ୍ରେନ୍ ଦ୍ଵାରା କଟକରୁ ଜଳବନ୍ଦୀ ସମସ୍ୟା ଦୂର ହେବାସହ, କଟକ ସହରରୁ ଗଳିକନ୍ଦି ରାସ୍ତାରୁ ମୁକ୍ତ ପାଇବେ କଟକିଆ । ଯାହାର ସମ୍ପୂର୍ଣ୍ଣ ଶ୍ରେୟ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି ବିଜେଡ଼ି ନେତା । ଏପଟେ ଜାଇକାର ଜାପାନ ପ୍ରତିନିଧି ମିତ୍ ସୁଁ ସଏଇ ଏହି ପ୍ରକଳ୍ପକୁ ନେଇ ଖୁସିବ୍ୟକ୍ତ କରିବା ସହ ଆଗାମୀ ଦିନରେ ଜଳ ଓ ଜଙ୍ଗଲ ପ୍ରତି ଯାହା ଦରକାର ସେଥିପ୍ରତି ଧ୍ୟାନ ଦେବେ ବୋଲି କହିଛନ୍ତି ।
