ସ୍କୁଲ ପଛରୁ ମିଳିଳା ଅଷ୍ଟମ ଶ୍ରେଣୀ ଛାତ୍ରଙ୍କ ମୃତଦେହ
1 min read
ଭୁବନେଶ୍ୱର : ସୁନ୍ଦରଗଡ ଜିଲ୍ଲା ହେମଗିରି ଥାନା ଅନ୍ତର୍ଗତ ଗର୍ଜନନାହାଲ ହାଇସ୍କୁଲର ଏକ ବିଭତ୍ସ ଘଟଣା ସାମ୍ନାକୁ ଆସିଛି । ସ୍କୁଲ ପଛପଟୁ ଆଜି ଜଣେ ଛାତ୍ର ର ମୃତ ଦେହ ମିଳିଛି । ମୃତ ଛାତ୍ର ଜଣଙ୍କ ହେଉଛନ୍ତି ଦୁର୍ଗାପ୍ରସାଦ ଖଣ୍ଡା ଅଷ୍ଟମ ଶ୍ରେଣୀର ଛାତ୍ର । ଘର ଝାରସୁଗୁଡା ଜିଲ୍ଲା ବେଲପାହାଡ ନିକଟ ଗୁମେଡେରାରେ ବୋଲି ଜଣାପଡିଛି । ତେବେ ସେ ଗର୍ଜନବାହାଲ ହଷ୍ଟେଲରେ ରହି ପଢୁଥିଲେ । ଗତକାଲି ଠାରୁ ଛାତ୍ର ଜଣକ ହଷ୍ଟେଲରୁ ନିଖୋଜ ଥିଲେ । ଏନେଇ ହଷ୍ଟେଲ ଔ୍ୱାର୍ଡେନ ସ୍କୁଲ କତ୍ତୃପକ୍ଷଙ୍କୁ ଜଣାଇଥିଲେ । ଏହାପରେ ଦୁର୍ଗାପ୍ରସାଦଙ୍କୁ ଅନେକ ଖୋଜାଖୋଜି କରିଥିଲେ ମଧ୍ୟ ପାଇନଥିଲେ ।
ତେବେ ଆଜି ସକାଳୁ ସକାଳୁ ସ୍ଥାନୀୟ ବାସିନ୍ଦା ସ୍କୁଲ ପଛପଟେ ଏକ ଗଛ ମୂଳେ ଛାତ୍ରଙ୍କ ମୃତ ଶରୀର ପଡିଥିବାର ଦେଖି ସ୍କୁଲରେ ଜଣାଇଥିଲେ । ସ୍କୁଲ କତ୍ତୃପକ୍ଷ ତୁରନ୍ତ ପୋଲିସ ଥାନା କୁ ଖବର ଦେଇଥିଲେ । ଘଟଣା ସ୍ଥଳରେ ପହଞ୍ଚି ପୋଲିସ୍ ମୃତଦେହ ଉଦ୍ଧାର କରି ଶବ ବ୍ୟାବିଚ୍ଛେଦ ନିମନ୍ତେ ପଠାଇଛି । ଏହା ସହ ସେଠାରେ ତଦନ୍ତ ମଧ୍ୟ ଆରମ୍ଭ କରିଦେଇଛି । ତେବେ ପୋଲିସ ସନ୍ଦେହ କରୁଛି ଯେ, ଯେଉଁ କୁସୁମ ଗଛ ନିକଟରୁ ଶବଟି ମିଳିଛି ସେହି ଗଛ ଦେଇ ଏକ ବିଦ୍ୟୁତ୍ ତାରଟି ଯାଇଛି ।ଯଦି ଛାତ୍ର ଜଣଙ୍କ ଫୁଲ ତୋଳିବାକୁ ଯାଇ ସେହି ତାର ସସ୍ପର୍ଶରେ ଆଶି ଏପରି ଘଟିଥାଇ ପାରେ ।
ଅନ୍ୟପଟେ ଦୁର୍ଗାପ୍ରସାଦ ଙ୍କ ବାପା ମା ହଷ୍ଟେଲ କତ୍ତୃପକ୍ଷଙ୍କ କାର୍ଯ୍ୟ ଅବହେଳା ଯୋଗୁ ଏପରି ଘଟିଛି ବୋଲି ପୋଲିସ ଥାନାରେ ଲିଖିତ ଅଭିଯୋଗ ଆଣିଥିବା ସୂଚନା ମିଳିଛି ।ତେବେ ଗୋଟିଏ ବୋଲି ପୁଅକୁ ହରାଇ ଧର୍ଯ୍ୟହରା ହୋଇ ପଡିଛନ୍ତି ଦୁହେଁ । ତେବେ ତାଙ୍କ ମା ଙ୍କ କହିବା ମୁତାବକ ଦୁର୍ଗାଙ୍କୁ ପିଟି ପିଟି ମାରିଦିଆ ଯାଇଛି । ‘ମୋ ପୁଅ ଷ୍ଟାଇଲ କରି ଚୁଟି କାଟିଥିବାରୁ ସାର୍ ତାକୁ ପିଟିଥିଲେ ’ା ସାର୍ ତାକୁ ବୋହୁତ ପିଟିଥିଲେ ବୋଲି ସେ ମତେ କହିଥିଲା । ମାରିଦିଆ ଯାଇଛି ମୋ ପୁଅକୁ ।ଏପରି କହି କାନ୍ଦି କାନ୍ଦି ଗଡିଥିଲେ ଦୁର୍ଗାଙ୍କ ମା ।ତେବେ ପ୍ରକୃତରେ କଣ ଘଟିଥିଲା ଦୁର୍ଗାଙ୍କ ସହ ତାହା ତଦନ୍ତ ଓ ଶବ ବ୍ୟବିଚ୍ଛେଦ ପରେ ହିଁ ଜଣାପଡିବ ବୋଲି କହିଛି ପୋଲିସ୍ ।
