(ଭିଡିଓ) ଛୁରାମାଡରେ ଆଖିବୁଜିଲା ନବମ ଶ୍ରେଣୀ ଛାତ୍ର, ପୁଅକୁ ଝୁରି ଛାତି ଫଟେଇ କାନ୍ଦୁଛି ମାଆ..
1 min read
ରାଜ୍ୟରେ ବଢି ଚାଲିଛି ଅପରାଧ । ଦିନ ଦିପହରରେ ବି ଘଟୁଛି ହତ୍ୟାକାଣ୍ଡ । ଗତକାଲି ଏକ ଚାଞ୍ଚଲ୍ୟକର ଘଟଣା ସ୍ଥାନୀୟ ଅଞ୍ଚଳବାସୀଙ୍କୁ ସ୍ତବ୍ଦ କରି ଦେଇଛି । ଘରେ ପଶି ନବମ ଶ୍ରେଣୀ ଛାତ୍ରକୁ ଛୁରାମାଡ଼ ହୋଇଛି । ଯେଉଁଥିରେ ଘଟଣାସ୍ଥଳରେ ନାବାଳକର ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ ବେଣାପଞ୍ଜରୀ ଗାଁରେ ଘଟିଛି । ପରୀକ୍ଷା ଥିବାରୁ ପୁଅ ବସି ଘରେ ପାଠ ପଢୁଥିଲା । ଏହି ସମୟରେ ଘର ଭିତରକୁ ଜଣେ ଯୁବକ ପଶି ଆସି ନାବାଳକୁ ଛୁରା ମାଡ କରି ଫେରାର ହୋଇ ଯାଇଥିଲା । ଗୁରୁତର ଭାବେ ଆହତ ହୋଇଥିବା ନାବାଳକୁ ଘର ଲୋକ ଉଦ୍ଧାର କରି ଡାକ୍ତର ଖାନାକୁ ନେଇଥିଲେ । ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ । ତେବେ ମୃତ ନାବାଳକ ଜଣକ ହେଲେ ଶୁଭମ ପାଲଟାସିଂ । ସେ ନବମ ଶ୍ରେଣୀର ଛାତ୍ର ।ଷଣ୍ଢପୁର ସ୍ଥିତ ଆଦର୍ଶ ବିଦ୍ୟାଳୟର ଛାତ୍ର ଥିଲେ । ଗାଁରେ କାହା ସହ ସେମାନଙ୍କ ଶତ୍ରୁତା ନଥିଲା ପରିବାର ଲୋକେ କହିଛନ୍ତି । ତେବେ କିଏ କେଉଁ ପରିସ୍ଥିତିରେ ଏ ଛୁରାମାଡ଼ କରିଛି, ତାହା ଜଣା ପଡ଼ି ନାହିଁ । ପୁଅର ମୃତୁ ସହ୍ୟ କରିପାରୁ ନାହାନ୍ତି ମାଆ ବାପା । କାନ୍ଦି କାନ୍ଦି ମାଆ ତାକୁ ଡାକୁଛି । ପୁଅକୁ ନେଇ ମାଆବାପା କେତେ ଯେ ସ୍ୱପ୍ନ ଦେଖିଥିଲେ । ଯାହା ତା ମୃତ ଦେହକୁ ଦେଖି ସବୁ ପାଣି ହୋଇ ଯାଇଛି । ତେବେ ଆଦର୍ଶ ବିଦ୍ୟାଳୟରେ ପଢୁଥିବା ନବମଶ୍ରେଣୀର ଏହି ମେଧାବୀ ଛାତ୍ରକୁ ଛୁରାମାରି ହତ୍ୟା କରିବା ଘଟଣା ସମସ୍ତଙ୍କୁ ଆଶ୍ଚଯ୍ୟ କରିଛି । ଖବର ପାଇ ପୋଲିସ ପହଞ୍ଚି ତଦନ୍ତ ଆରମ୍ଭକରି ଦେଇଛି । ସେପଟେ ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ତଦନ୍ତ ଜାରି ରଖିଛି ପୋଲିସ ।
